Édouard Juncker
 |
Dësen Artikel iwwer e Politiker ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann der Hëllef braucht beim Schreiwen, da luusst bis an d'FAQ eran. |
Den Édouard (Ed) Juncker, gebuer den 30. Juli 1921 zu Dol, a gestuerwen den 20. Januar 1999 zu Ettelbréck, war e lëtzebuergesche Politiker (CSV). Vu Beruff war den Ed Juncker Krankefleeger am Ettelbrécker (CHNP) Centre hospitalier neuro-psychiatrique.
Seng Carrière [änneren]
- 1942, am Zweete Weltkrich, gouf den Ed Juncker zwangsrekrutéiert an ass an den Arbeitsdienst an Ostpreußen komm. Duerno ass en an een Panzerjägerbataillon op Ludwigsburg aberuff ginn. De 15. Mee 1943 huet hien desertéiert an ass mam Zuch op Metz geflücht. Bis zum Enn vum Krich war hien am Éislek verstoppt.
- 1957 war hie fir d'éischt Kandidat bei de Gemengewale fir d'CSV.
- 1967 Member vum Ettelbrécker Gemengerot no der Démissioun vum Dr. Léon Mischo
- 1969 Éischtgewielten op der CSV-Lëscht
- 1976-1998 Buergermeeschter vun Ettelbréck
- 1974-1999 (bis zu sengem Doud) Deputéierten an der Chamber
Soss [änneren]
Den Ed Juncker huet e groussen Undeel un der Aféierung vum Remembrance-Day zu Ettelbréck (Gedenken un déi Doudeg Zaldoten aus dem Zweete Weltkrich).
D'Stad Ettelbréck huet hire Kulturzentrum nom Ed Juncker benannt: Centre des arts pluriels Edouard-Juncker. Den Ed Juncker war de Monni vum Staatsminister Jean-Claude Juncker. Hien huet 1984, no engem excellenten Walresultat, op e Ministerposten verzicht, well soss säin Neveu net hätt kënnen an der Regierung bleiwen.
Den Ed Juncker war mat der Bertha Juncker bestuet. Hir Duechter Edmée Feith-Juncker, gebuer de 5. Juli 1953 zu Dikrech, gouf am Oktober 1999 an den Ettelbrécker Gemengerot gewielt wou si zënter dem 1. Januar 2000 ass.
Undenken un den Ed Juncker [änneren]
