(5) Astraea

Vu Wikipedia
Wiesselen op: Navigatioun, sichen
(5) Astraea Astronomescht Symbol vun Astraea
Orbittyp Haaptceintureasteroid
Positioun (Equinoxe: J2000.0)
Grouss Hallefachs 2,577 A.E.
PerihelAphel 2,086 – 3,068 AE
Exzentrizitéit 0,1904
Inklinatioun 5,37 Grad
Sideresch Ëmlafzäit 4 a 50 d
Mëttel Bunnvitesse 18,4 km/s
Physikalesch Eegeschaften
Duerchmiesser 117 km
Mass ≈ 1,8 • 1018kg
Albedo 0,23
Mëttel Dicht ≈ 2,1 g/cm3
Rotatiounsperiod 16,8 h
Absolut Hellegkeet 6,85 mag.
Spektralklass S
Entdecker Karl Ludwig Hencke
Entdeckungsdatum 8. Dezember 1845
Aner Bezeechnungen

Den (5) Astraea ass en Asteroid vun der Asteroiden-Haaptceinture. Hie gouf den 8. Dezember 1845 vum Karl Ludwig Hencke entdeckt.

Genannt gouf den Himmelskierper no der Astraea, enger Duechter vum Zeus an der Gerechtegkeetsgëttin.

Nodeem an de Joren 1801–1807 déi éischt véier Asteroiden (1) Ceres, (2) Pallas, (3) Juno a (4) Vesta entdeckt goufen, hat et ëmmerhinn 38 Joer gedauert, bis zur Entdeckung vum fënneften Asteroid. Et war och déi lescht Entdeckung vun engem Asteroid, déi virun der Entdeckung vum Planéit Neptun geschitt war. Well deemols d'Asteroiden nach als vollwäerteg Planéite gezielt goufen, gouf deen am folgende Joer entdeckten Neptun als dräizéngte Planéit gezielt.

Mat der Entdeckung vum (6) Hebe am Joer 1847 hat allerdéngs eng richteg Flut vun Neientdeckunge vun Asteroiden ugefaangen. Dofir gouf op Virschlag vum Alexander von Humboldt am Joer 1851 d'Zuel vun de grousse Planéiten op aacht begrenzt an den neie Begrëff vun Asteroiden (och: Planetoiden oder Klengplanéitten) agefouert.

Den Astraea beweegt sech a 4,1 Joer op enger Distanz vun 2,1 (Perihel bis 3,1 (Aphel) astronomeschen Eenheeten ëm eis Sonn. D'Bunn ass 5,4° géint d'Ekliptik gebéit, d'Exzentrizitéit ass 0,19.

Den Astraea huet en Duerchmiesser vun 117 km. Den Asteroid huet eng relativ hell, silikaträich Uewerfläch mat enger Albedo vun 0,23. Während der Oppositioun erreecht den Astraea eng Hellegkeet vun 11,9 mag. Den Asteroid rotéiert a 16,8 Stonnen eng Kéier ëm seng eegen Achs.

Kuckt och[änneren | Quelltext änneren]

Saturn 01.svg Portal Astronomie