(944) Hidalgo
| (944) Hidalgo | |
|---|---|
| Orbittyp | Zentauren |
| Positioun (Equinoxe: J2000.0) | |
| Grouss Hallefachs | 5,7462 A.E. |
| Perihel – Aphel | 1,9507 – 9,5417 AE |
| Exzentrizitéit | 0,6605 |
| Inklinatioun | 42,5641 Grad |
| Sideresch Ëmlafzäit | 13,775 Joer |
| Mëttel Bunnvitesse | 12,43 km/s |
| Physikalesch Eegeschaften | |
| Duerchmiesser | 38 km |
| Mass | 8,4 × 1015 kg |
| Albedo | 0,060 |
| Mëttel Dicht | ? g/cm3 |
| Rotatiounsperiod | 10,063 h |
| Absolut Hellegkeet | 10,348 |
| Spektralklass | D |
| Entdecker Walter Baade | |
| Entdeckungsjoer | 1920 |
| Aner Bezeechnungen | 1920 HZ |
(944) Hidalgo ass en Asteroid, deem seng extrem elliptesch Bunn vun der banneschter Asteroidenceinture (Perihel 1,9507AE) bis déisäits vun der Saturnbunn (Aphel 9,5417 AE) verleeft. Dobäi ass d'Bunn mat 42,5641° staark géint d'Ekliptik gebéit.
[änneren] Ëmlafbunn
Fir een Ëmlaf ëm d’Sonn braucht den Hidalgo 13,8 Joer. Déi aussergewéinlech Bunn léisst dorop schléissen, datt et sech beim Hidalgo ëm d'Iwwerreschter vun engem Koméit handele kënnt. Dofir schwätzt och seng kleng Albedo vun 0,06 a seng spektral Eegeschafte. Säin Duerchmiesser ass ca. 38 km. Hidalgo ass dat eenzegt bekannte Objet, dat sech deermoossen un d'Saturnbunn erukënnt, ouni si ze kräizen. Säi staark géint d'Ekliptik gebéite Bunnniveau (43°) ass méiglecherweis op Stéierunge duerch d'Schwéierkraaft vum Jupiter zeréckzeféieren.
[änneren] Entdeckung
Den Asteroid gouf den 30. Oktober 1920 vum Walter Baade am Observatoire Bergedorf bei Hamburg entdeckt. Däitschen Astronomen gouf d'Observatioun vun der totalen Sonnendäischtert den 10. September 1923 a Mexiko erméiglecht, dobäi goufen si vum deemolegen mexikaneschen President emfangen. Als Merci heifir gouf den Asteroid no dem mexikaneschen Nationalheld Miguel Hidalgo y Costilla (1753-1811) genannt.
