2011

20. Joerhonnert | 21. Joerhonnert | 22. Joerhonnert

2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016

---

Dës Säit befaasst sech mam Joer 2011.

Evenementer

Europa

• 01. Januar: Estland trëtt der Eurozon bäi a féiert den Euro an.
• 23. Januar: Den Anibal Cavaco Silva gëtt schonn am éischten Tour vun de Presidentschaftswalen a Portugal erëmgewielt.
• 25. Februar: D'virgezunne Parlamentswalen an Irland gi vun der Oppositiounspartei Fine Gael ënnert dem Enda Kenny gewonnen.
• 06. Mäerz: Bei de Parlamentswalen an Estland ginn d'Koalitiounsparteie vum Premier Andrus Ansip senger Reformpartei an der Pro Patria a Res Republica Unioun vun de Wieler an hirem Amt confirméiert.
• 03. Abrëll: An Andorra gewannen d' Demòcrates per Andorra, déi an der Oppositioun waren, mat absoluter Majoritéit déi virgezunne Parlamentswalen; de Antoni Martí gëtt den 11. Mee zum Premierminister ernannt.
• 17. Abrëll: Bei de Parlamentswalen a Finnland kritt d'National Sammlungspartei vum Finanzminister Jyrki Katainen déi meeschte Stëmmen, knapps virun den europaskepteschen a rietspopulistesche "Stackfinnen". D'Sozialdemokraten, bis dohin an der Regierung, ginn Drëtt.
• 05. Juni: Bei de virgezunnene Parlamentswalen a Portugal gewënnt déi oppositionell liberal Partei vun der Sozialdemokratie (PSD) ënner dem Pedro Passos Coelho.
• 22. Juli: E rietsextreemen Attentäter deet zu Oslo eng Autobomm explodéieren an erschéisst duerno Dosende vu Jugendlecher an engem Vakanze-Camp op der Insel Utøya; am ganze 76 Mënsche kommen dobäi ëm d'Liewen.
• 15. September: De "Roude Block" mat als stäerkster Partei de Sozialdemokraten gewënnt d'Parlamentswalen an Dänemark; d'Helle Thorning-Schmidt gëtt den 3. Oktober zur Première-Minsitesch ernannt.
• 09. Oktober: Parlamentswalen a Polen.
• 23. Oktober: Federal Parlamentswalen an der Schwäiz.
• 27. Oktober: De Michael D. Higgins gewënnt d'Presidentewalen an Irland.
• 30. Oktober: D'Presidentewalen a Bulgarien gi vum Rossen Plewneliew gewonnen.
• 10. November: Nom Récktrëtt vum George Papandreou gëtt de Lucas Papademos Iwwerganks-Regierungschef a Griicheland.
• 16. November: Nom Récktrëtt vum Silvio Berlusconi, den 13. November, gëtt de Mario Monti Premierminister vun enger Iwwerganksregierung.
• 20. November: Bei de Parlamentswalen a Spuenien gewënnt d'Partido Poular mat hirem Spëtzekandidat Mariano Rajoy. De Rajoy trëtt den 20. Dezember säin Amt un.
• 04. Dezember: Bei de Wale fir d'Duma, d'russescht Parlament, kritt dem Premierminister Wladimir Putin seng Partei mat 238 vu 450 Mandater d'absolut Majoritéit.
• 04. Dezember: D'Partei Positivt Slowenien vum Zoran Janković kritt déi meeschte Stëmmen bei de virgezunnene Parlamentswalen a Slowenien.
• 04. Dezember: D'Parlamentswalen a Kroatien gi vun der oppositioneller Mëtt-Lénks-Alianz Kukuriku ënnert dem Zoran Milanović gewonnen; de Milanovic gëtt den 23. Dezember Premierminister.
• 06. Dezember: 540 Deeg no de Parlamentswalen an der Belsch gëtt d'Koalitiounsregierung vu 6 Parteien ënnert dem frankophone Sozialist Elio di Rupo vereedegt.

Lëtzebuerg

• 09. Oktober: An 116 Gemenge ginn d'Gemengeréit nei gewielt.

Afrika

• 02. Februar: An der Zentralafrikanescher Republik gewënnt de François Bozizé vun der sozialdemokratescher KNK d'Presidentschaftswale mat 66,1% vun de Stëmmen.
• 07. Februar: Op Kap Verde gewënnt dem Premier José Maria Pereira Neves seng Partei PAICV d'Parlamentswalen.

Fändel vum Südsudan.

• 18. Februar: De Yoweri Museveni gëtt zum President vun Uganda erëmgewielt.
• 12. Mäerz: De Kandidat vun der Oppositioun, de Mahamadou Issoufou gewënnt mat 58% vun de Stëmmen am 2.Tour d'Presidentschaftswalen am Niger.
• 31. Mäerz: Mayotte gëtt dat 101. franséischt Departement.
• 09. Juli: De Südsudan gëtt onofhängeg vum Sudan.

Amerika

• 02. Mee: D'viergezunnen Neiwale fir d'federaalt Parlament a Kanada gi vun der Konservativer Partei vum Premierminister Stephen Harper gewonnen.

USA

D'Äerdbiewen a Japan

Mëttel- a Südamerika

• 20. Mäerz: De Michel Martelly gewënnt am zweeten Tour d'Presidentewalen an Haiti.
• 05. Juni: Den Ollanta Humala gewënnt am 2. Tour d'Presidentewalen am Peru. Hie gëtt offiziell den 28. Juli ageschwuer.
• 23. Oktober: Déi aktuell argentinesch Presidentin Cristina Fernández de Kirchner gëtt bei Presidentschaftswalen erëmgewielt.

Asien

• 06. Februar: De Jhala Nath Khanal gëtt Premierminister am Nepal.
• 11. Mäerz: Bei engem Äerdbiewe vun der Stäerkt 9,0 virun der Ostküst vu Japan a virun allem dem Tsunami, deen doduech entstanen ass, si 15.840 Leit ëm d'Liewe komm (dobäi kommen 3.926 Vermësster) an hunn Honnertdausenden hiert Doheem verluer. Dobäi ass och de Killsystem vun de Reaktere vun der Atomzentral Fukushima I zäitweileg ausgefall, et koum zu der Kärfusioun an 3 Reakteren, a Radioaktivitéit ass an d'Ëmwelt geroden. Eng Zon vun 20 km Ëmkrees gouf komplett evakuéiert, eréischt no Woche konnten d'Reaktere méi oder manner stabiliséiert ginn. D'Schied sinn am dräistellege Milliardeberäich.
• 12. Juni: Bei de Parlamentswalen an der Tierkei gewënnt d'Partei fir Gerechtegkeet an Entwécklung (AKP) ënner dem Prmeier Recep Tayyip Erdogan mat 326 vu 550 Sëtzer.
• 03. Juli: Déi oppositionell Pheu Thai ("Partei fir d'Thaï"), mat un der Spëtzt der Yingluck Shinawatra gewënnt d'Parlamentswalen an Thailand.
• 25. Juli: Den Truong Tan Sang trëtt säin Amt als Staatspresident vum Vietnam un, den Nguyen Tan Dung gëtt Premierminister.
• 01. September: Nom Récktrëtt vum Naoto Kan gëtt de Yoshihiko Noda neie Premierminister a Japan.
• 25. Oktober: Bei engem Äerdbiewen am Oste vun der Tierkei kommen iwwer 500 Mënschen ëm d'Liewen.
• 04. Dezember: Bei de Wale fir d'Duma, d'russescht Parlament, kritt dem Premierminister Wladimir Putin seng Partei mat 238 vu 450 Mandater d'absolut Majoritéit.

Ozeanien & Pazifik

• 26. November: Dem Regierungschef John Key seng New Zealand National Party Partei gewënnt op en neies d'Parlamentswalen an Neiséiland.

Revolutioun an Egypten.

Arabesch Welt an Noen Osten

• (uechtert d'Joer): Arabescht Fréijoer:
• 14. Januar: No wochelaange Protester géint seng Regierung trëtt den tunesesche President Zine el-Abidine Ben Ali no 23 Joer un der Muecht zréck a verléisst d'Land; de Fouad Mebazaâ gëtt Interims-Nofolger.
• 01. Februar: No Masseprotester gëtt de Marouf al-Bakhit vum Kinnek Abdullah II. vu Jordanien zum neie Regierungschef ernannt.
• 11. Februar: Den egyptesche President Hosni Mubarak trëtt no 18 Deeg Protester géint hien, bei deenen eng 300 Leit ëm d'Liewe kommen, zréck. D'Militär iwwerhëlt, bis zu enger Verfassungsännerung, Parlaments- a Presidentschaftswalen, d'Muecht am Land.
• Mëtt Februar bis Mëtt Oktober: Fir d'éischt Protester, dono Kämpf a Libyen géint den Diktator Muammar al-Gaddafi, bei deenen dausende vu Leit ëm d'Liewe kommen. Eng Koalitioun, ugefouert vu Groussbritannien, Frankräich, Kanada an de USA flitt vum 19. Mäerz u Loftattacken op libesch Stellungen. D'Rebelle gewannen no an no Iwwerhand; den 20. Oktober gëtt de Gaddafi, deen op der Flucht war, gefaange geholl an erschoss.
• Mëtt Mäerz: Ufank vu Protester géint d'Regime vum Baschar al-Assad a Syrien, déi sech an de Méint dono an e Biergerkrich ausbreeden. Bis Enn 2012 koumen dobäi iwwer 60.000 Mënschen ëm d'Liewen.
• 21.-23. Oktober: Fräi Walen an Tunesien.
• 29. November: No de Parlamentswale vum 25. November a Marokko gëtt den Abdelilah Benkirane zum Premierminister ernannt.

Konscht & Kultur

• 01. Januar - 31. Dezember: Tallinn an Turku sinn Europäesch Kulturhaaptstied.

Literatur

• Servais-Präis fir dem Jean Krier säi Gedichtband Herzens Lust Spiele.
• Batty-Weber-Präis fir de Jean Portante.
• 1. Präis am Nationale Literaturconcours fir dem Tom Hengen säi Recueil Explorations in C.

Musek

• 10. Mee–14. Mee: Den Duo Ell & Nikki gewënnt mam Lidd Running Scared de 56. Eurovision Song Contest zu Düsseldorf.

Kino

• De César fir de beschte Film geet un Des Hommes et des Dieux vum Xavier Beauvois.
• Den Oscar fir de beschte Film geet un The King's Speech vum Tom Hooper.
• The Tree of Life vum Terrence Malick gewënnt d' Gëlle Palm um Filmfestival vu Cannes.

Sport

• 09. Februar: Déi lëtzebuergesch Foussballnationalequipe gewënnt an der Stad Lëtzebuerg 2:1 géint Slowakei. Déi zwee Goler fir d'Lëtzebuerger huet den Daniel da Mota geschoss.
• 25. Mäerz: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 0:2 géint Frankräich.
• 29. Mäerz: Déi lëtzebuergesch Foussballnationalequipe verléiert zu Piatra Neamt, am Kader vun der Qualifikatioun fir d'Foussball-Europameeschterschaft 2012, 1:3 géint Rumänien. De Gol fir d'Lëtzebuerger huet de Lars Gerson geschoss.
• 01. Juni - 5. Juni De Linus Gerdemann gewënnt den Tour de Luxembourg 2011.
• 03. Juni: Déi lëtzebuergesch Foussballnationalequipe verléiert an der Stad Lëtzebuerg 0:1 géint Ungarn.
• 07. Juni: Déi lëtzebuergesch Foussballnationalequipe verléiert zu Minsk, am Kader vun der Qualifikatioun fir d'Foussball-Europameeschterschaft 2012, 0:2 géint Wäissrussland.
• 10. August: Déi lëtzebuergesch Foussballnationalequipe verléiert zu Faro 0:5 géint Portugal.
• 02. September: Déi lëtzebuergesch Foussballnationalequipe verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 0:2 géint Rumänien.
• 06. September: Déi lëtzebuergesch Foussballnationalequipe gewënnt an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 2:1 géint Albanien. D'Goler fir d'Lëtzebuerger hunn de Gilles Bettmer an Aurélien Joachim geschoss.
• 07. Oktober: Déi lëtzebuergesch Foussballnationalequipe verléiert zu Zenica, am Kader vun der Qualifikatioun fir d'Foussball-Europameeschterschaft 2012, 0:5 géint Bosnien-Herzegowina.
• 15. November: Déi lëtzebuergesch Foussballnationalequipe verléiert an der Stad Lëtzebuerg 0:1 géint Schwäiz.

Gestuerwen

• 02. Januar: Pete Postlethwaite, englesche Schauspiller.
• 03. Januar: Jill Haworth, britesch Schauspillerin.
• 08. Januar: Jiří Dienstbier, tschecheschen Dissident a Politiker.
• 09. Januar: Peter Yates, britesche Filmregisseur.
• 10. Januar: Julot Faber, Promoteur vum Lëtzebuerger Folklore.
• 13. Januar: Hellmut Lange, däitsche Schauspiller.
• 15. Januar: Susannah York, britesch Schauspillerin an Auteur.
• 15. Januar: Hilde Zach, éisträichesch Politikerin.
• 24. Januar: Bernd Eichinger, däitsche Filmproduzent a -regisseur.
• 30. Januar: John Barry, britesche Filmmusekkomponist.
• 03. Februar: Maria Schneider, franséisch Schauspillerin.
• 04. Februar: Edmond Israel, lëtzebuergesche Banquier.
• 06. Februar: Gary Moore, britesche Museker.
• 12. Februar: Peter Alexander, éisträicheschen Entertainer, Showmaster, Sänger a Schauspiller.
• 13. Februar: Norbert Hoffmann, lëtzebuergesche Komponist.
• 28. Februar: Annie Girardot, franséisch Schauspillerin.
• 28. Februar: Jane Russell, US-amerikanesch Schauspillerin.
• 13. Mäerz: Sascha Wagener, lëtzebuergesche Politiker.
• 23. Mäerz: Elizabeth Taylor, US-amerikanesch Schauspillerin.
• 27. Mäerz: Farley Granger, US-amerikanesche Schauspiller.
• 01. Abrëll: Mill Majerus, lëtzebuergesche Politiker a Sexolog.
• 05. Abrëll: Baruch Samuel Blumberg, US-amerikanesche Wëssenschaftler.
• 09. Abrëll: Sidney Lumet, US-amerikanesche Filmregisseur.
• 10. Abrëll: Jean Kerger, lëtzebuergesche Professer a Sproochewëssenschaftler.
• 14. Abrëll: William N. Lipscomb, US-amerikanesche Chemiker.
• 15. Abrëll: Michel Raus, lëtzebuergesche Jounalist a Schrëftsteller.
• 24. Abrëll: Marie-France Pisier, franséisch Schauspillerin a Regisseurin.
• 28. Abrëll: Romain Durlet, lëtzebuergesche Journalist, Auteur a Politiker.
• 01. Mee: Osama Bin Laden, Grënner vum Al-Qaida-Terrornetzwierk.
• 09. Mee: Wouter Weylandt , belsche Vëlossportler.
• 10. Mee: Henri Klees, lëtzebuergesche Linguist an Ethnolog.
• 19. Mee: Kathy Kirby, britesch Popsängerin.
• 26. Mee: Fritz Klein, däitschen Historiker.
• 28. Mee: Françoise Groben, lëtzebuergesch Cellistin.

• 

  Mill Majerus, † 1.4.

• 

  Romain Durlet, † 28.4.

• 

  Léon Bollendorff, † 5.6.

• 05. Juni: Léon Bollendorff, lëtzebuergesche Politiker.
• 07. Juni: Jorge Semprún, spuenesche Schrëftsteller a Politiker.
• 12. Juni: Roland Smaniotto, lëtzebuergesche Vëlossportler.
• 23. Juni: Peter Falk, US-amerikanesche Schauspiller.
• 27. Juni: Félicien Steichen, lëtzebuergesche Fuerscher an Dokter.
• 29. Juni: Milly Ludwig, lëtzebuergesch Liichtathletin.
• 04. Juli: Otto von Habsburg, éisträichesch-däitsche Journalist, Schrëftsteller a Politiker.
• 11. Juli: Tom Gehrels, hollänneschen Astronom.
• 14. Juli: Leo Kirch, däitsche Medienentreprener.
• 23. Juli: Amy Winehouse, britesch Sängerin.
• 25. Juli: Michael Cacoyannis, zypriotesch-griichesche Filmregisseur, Dréibuchauteur a Filmproduzent.
• 22. August: Vicco von Bülow (Loriot), däitschen Humorist, Zeechner, Schauspiller a Regisseur.
• 23. August: René Putzeys, lëtzebuergesche Politiker.
• 25. August: Lucien Thiel, lëtzebuergesche Politiker a Journalist.
• 03. September: Henri Muller, lëtzebuergeschen Enseignant an Iwwersetzer.
• 18. September: Jean-Christophe Massinon, franséische Moler a Sculpteur.
• 21. September: Paulette Dubost, franséisch Schauspillerin.
• 22. September: Aristides Pereira, kapverdianesche Politiker.
• 25. September: Wangari Maathai, kenianesch Wëssenschaftlerin a Friddensnobelpräisdréierin.
• 29. September: Albert Weinberg, belsche Comicszeechner.
• 05. Oktober: Steve Jobs, US-amerikaneschen Entreprener.
• 07. Oktober: Fred Karen, lëtzebuergesche Militärhistoriker.
• 10. Oktober: Emmanuel Tesch, lëtzebuergesche Chimieingénieur a Manager.
• 20. Oktober: Muammar al-Gaddafi, libesche Militär a Staatschef.
• 28. Oktober: Willy De Clercq, belsche Politiker.
• 29. Oktober: Robert Lamoureux, franséische Schauspiller, Filmregisseur an Dréibuchauteur.
• 07. November: Joe Frazier, US-amerikanesche Boxer.
• 22. November: Élisabeth vu Lëtzebuerg.
• 22. November: Georg Kreisler, US-amerikanesche Museker, Sänger, Komponist, Auteur.
• 23. November: Montserrat Figueras, spuenesch Sopranistin.
• 26. November: Chukwuemeka Odumegwu Ojukwu, biafranesch-nigerianesche Staatsmann.
• 27. November: Ken Russell, britesche Filmregisseur.
• 28. November: Charles Thomas Kowal, US-amerikaneschen Astronom.
• 30. November: Zdeněk Miler, tschecheschen Dessins-animés-Mécher.
• 01. Dezember: Christa Wolf, däitsch Schrëftstellerin.
• 04. Dezember: Robert Mancini, lëtzebuergesche Journalist a Sculpteur.
• 06. Dezember: Dieter Wagner, Moler, Graphiker a Galerist.
• 12. Dezember: Rudy Mach, lëtzebuergesche Polizist a Resistenzler.
• 15. Dezember: Walter Giller, däitsche Schauspiller.
• 16. Dezember: Nicol Williamson, britesche Schauspiller.
• 17. Dezember: Cesária Évora, kapverdianesch Musekerin.
• 17. Dezember: Kim Jong-il, koreanesche Politiker
• 18. Dezember: Václav Havel, tschechesche Schrëftsteller a Politiker.
• 24. Dezember: Johannes Heesters, hollännesche Schauspiller a Sänger.
• 28. Dezember: René Scheer, lëtzebuergesche Foussballspiller.

---

Commons: 2011 – Biller, Videoen oder Audiodateien