Abell-Katalog

Den Abell-Katalog (engl.: Abell catalog of rich clusters of galaxies) ass e Katalog mat 4.073 Galaxiëkéip. Jiddfereen vun dëse kéip huet op mannst 50 Galaxien tëschent der Hellegkeet vum drëtthellsten Koupmember, $m_3$ an zwou Magnituden méi schwaache ($m_3 + 2$). Ausserdeem mussen déi op mannst 50 Memberen, bei enger ugehollener Hubble-Konstant vun H=70km/s/Mpc, an engem Radius vun 2Mpc leien, dem sougenannten Abell-Radius. D'Routverrécklungen vun de Kéip ginn nominell bis $z=0{,}2$, tatsächlech goufen fir etlech Abell-Kéip spéider och méi grouss Wäerter gemooss.

Déi éischt Versioun vum Katalog gouf 1958 vum George Ogden Abell publizéiert. Si war entstanen duerch Inspektioun vun der routempfindlechen Fotoen vum Palomar Observatory Sky Survey mat Hëllef vun enger Lupp an hat 2712 Galaxiëkéip opgewisen. 1989 gouf hien ëm 1361 Kéip aus den virdrun net erfaassten Deeler vum südleche Stärenhimmel vergréissert. Dës Kéip waren mat Hëllef vu Fotoe vum UK Schmidt-Teleskop fonnt ginn. Niewent de Koordinate goufen Kennzuelen fir d'Memberzuel, Kompaktheet an ongeféier Distanz vum Koup uginn.

Beispiller

• Abell 901
• Abell S0373 Fornax-Galaxiëkoup: den zweetnächste Galaxiëkoup.
• Abell 1656 Coma-Galaxiëkoup: ee vun de bekannteste Galaxiëkéip.
• Den Abell 2667 am Stärebild Sculptor, duerch deen eng Koméitegalaxis rennt.
• Den Abell 3266 um Südstärenhimmel, eng vun de Massekonzentratiounen am noen Universum.

Kuckt och

• Astronomesch Katalogen

Um Spaweck

• (en) Abell's 1958 paper and catalog
• (en) Abell, Corwin and Olowin's 1989 paper and catalog
• (en) Elektronische Form des Abell-Kataolgs