Abu Simbel

Vu Wikipedia
Wiesselen op: Navigatioun, sichen
Kolossalstatue vum Ramses II. virum groussen Tempel

Abu Simbel ass en Uert an der Wüst an Ueweregypten, um westlechen Ufer vum Nil, ongeféier 280 km südlech vun Assuan. Bekannt ass Abu Simbel virun allem wéinst zwee Fielsentempele vum Ramses II., déi hei leien.

Wéi beim Bau vum Stauséi d'Gefor entstoung, datt d'Tempele kéinten iwwerschwemmt ginn, gouf duerch eng opwendeg an deier Aktioun, vun 1965 bis 1968, e Projet gestart fir se ze retten. Dëse Projet huet bis zu 42 Milliounen Dollar kascht. Tempelë goufen ausernee geholl an 180 m méi wäit am Land erëm opgebaut. Eng risegrouss Hallefkuppel aus Bëtong soll dat Ganzt schützen. Tempelë ginn bis zu 55 m wäit an déi Bëtongskonstruktioun eran. Un de Wandmolereien an och bannen an den Tempelen ass näischt vun dëser Aktioun z'erkennen.

Zanter e puer Joerhonnerte sinn déi zwéin Tempelen eng grouss Touristenattraktioun. Den Uert Abu Simpel ass weider och net méi bewunnt an huet just nach en Hotel an e Fluchhafe fir d'Touristen.

Tempel vum Ramses II.[änneren | Quelltext änneren]

Statuen am Tempel vum Ramses II

De groussen Tempel ass dem Ramses II. geweit. D'Statue virum Tempel sinn 20 m héich a stelle véiermol de Ramses duer. Den Tempel ass sou gebaut ginn, datt den 22. Februar an den 22. Oktober d'Sonn duerch den Agang vum Tempel direkt op d'Statuë bannen am Tempel schéngt.

Tempel vun der Nefertari[änneren | Quelltext änneren]

Figure virum Tempel vum Nefertari

De kléngsten Tempel ass den Hathor, deen dem Ramses senger Fra Nefertari geweit gouf. Nefertari ass grad wéi hire Mann grouss am Stee veréiwegt. Déi eenzel Figuren déi bei dësem Tempel a Stee geschloe goufen sinn d'Nefertari, de Ramses II. an den Hathor.

Zanter 1979 gehéieren d'Tempelë vun Abu Simbel zu der Weltierfschaft vun der UNESCO.

Um Spaweck[änneren | Quelltext änneren]

Commons: Abu Simbel – Biller, Videoen oder Audiodateien
Eye of Ra2.svg Portal Egyptopedia – All d'Artikelen op der Wikipedia iwwer dat aalt Egypten.