Acte unique

Vu Wikipedia, der fräier Enzyklopedie.

Den Acte unique, och Eenheetlechen Europäeschen Akt (EEA), am ganzen Numm Acte unique européen, ass en Europäeschen Traité, deen de 17. Februar 1986 vun 9 vun den deemools 12 Staate vun der Europäescher Gemeinschaft zu Lëtzebuerg ënnerschriwwe gouf (déi aner 3 koume kuerz dono no) an deen den 1. Juli 1987 a Kraaft getrueden ss. Et war dëst e wichtege Schrëtt um Wee an d'Europäesch Unioun.

Den Acte unique huet d'Decisioune vun der Regierungskonferenz vum Europäesche Conseil vu Mailand rechtlech 'verklausuléiert'. Decidéiert war ginn, e Bannemaart ze realiséieren, d'Fonctionnéiere vun den Europäeschen Institutiounen ze vereinfachen, nei Politikberäicher der Communautéit ze iwwerdreon an der Europäescher Politescher Zesummenaarbecht eng rechtlech Grondlag ze ginn.

Am Acte Unique gouf dann och de Bannemaart fir d'éischte Kéier definéiert (d'fräi Zirkulatioun vu Wueren, Servicer, Persounen a Kapital) an déi 282 Rechtsakten opgezielt, déi néideg waren, fir e bis den 1. Januar 1993 ze realiséieren. D'Roll vum Europäesche Parlament ass gestäerkt ginn (et krut mam Ministesch-Conseil dat sougenannt "Co-decisiounsrecht" bei enger ganzer Rëtsch Politikberäicher) an et gouf festgehal, dass am Conseil Decisiounen zu Bannemaartpolitike mat qualifizéierter Majoritéit, an net méi mat Unanimitéit, geholl kënne ginn.

Ausserdeem gouf der Communautéit d'Zoustännegkeet iwwer déi heite Politikberäicher iwwrdroen: Wärungspolitik, Sozialpolitik, wirtschaftlech a sozial Kohesioun, Fuerschung an technologesch Entwécklung an Ëmweltpolitik. D'Memberstaate bloufen awer weiderhin eleng zoustänneg fir Decisiounen a Saache Steieren, fräi Zirkulatioun vun Aarbechter an d'Rechter vun den Employéën an Aarbechter.

Ënnert anerem gouf och festgehalen, eng Organisatioun ze grënnen, fir dass d'Memberstaate besser am Strofrechtlechen Domaine zesummeschaffe kéinten.

[änneren] Um Spaweck

• Den Tet vum Acte unique
• Erklärungen dozou

Europäesch Unioun – Geschicht, Struktur an Traitéen
1951	1957	1965	1986	1992	1997	2001	2007/2009
		Europäesch Communautéiten (EG*)		E U R O P Ä E S C H   U N I O U N   ( E U )
Europäesch Communautéit fir Kuel a Stol (CECA resp. Montanunioun)						(2002 ausgelaf -> EG)
	Europäesch Wirtschaftsgemeinschaft (EWG)			Europäesch Gemeinschaft (EG)
		*EG: EGKS, EWG (EG zënter 1993), Euratom		Justiz an Intérieur (JI)	(ZJZ a Persouneverkéier –> EG)
					Zesummenaarbecht vu Police a Justiz bei Strofaffären (PJZS)
			Europäesch Politesch Zesummenaarbecht (EPZ)	Gemeinsam Aussen- a Sécherheetspolitik (GASP)
	Europäesch Atomgemeinschaft (EAG bzw. Euratom)
Traité vu Paräis	Traité vu Roum	Fusiouns- Traité	Acte unique	Traité vu Maastricht	Traité vun Amsterdam	Traité vun Nice	Traité vu Lissabon
				"DRÄI SAILEN" – EG (CECA, EWG / EG, Euratom), GASP, PJZS