Adélaïde-Marie vun Anhalt-Dessau

Vu Wikipedia
Wiesselen op: Navigatioun, sichen
D'Adélaïde-Marie

D'Adélaïde-Marie, Prinzessin vun Anhalt-Dessau gebuer de 25. Dezember 1833 zu Dessau, a gestuerwen de 24. November 1916 am Schlass vu Königstein am Taunus, war déi zweet Fra vum Herzog Adolf vun Nassau, dem spéidere Grand-Duc Adolphe vu Lëtzebuerg. Zanter hirem Jonktem war si eng begeeschtert Molerin.

Si war Éierepresidentin vum Naussauesche Konschtveräin a Member vum Cercle Artistique vu Lëtzebuerg. Op hir Propositioun hin ass de Prix Grand-Duc Adolphe an d'Liewe geruff ginn, deen all Joer vum groussherzoglechen Haff un e lëtzebuergesche Kënschtler vir säin am Salon vum Cercle Artistique vu Lëtzebuerg ausgestalltent Gesamtwierk vergi gëtt.

Hir léifsten Themaen waren d'Stëlliewen, d'Blummen an d'Landschaften. 1892 ass fir si e Moleratelier am Palais installéiert ginn. Hiert Uelegbild Bouquet de Fleurs ass an der Kollektioun vum Musée um Fëschmaart.

Kuckt och[änneren | Quelltext änneren]