Adolphe Sax
Vu Wikipedia, der fräier Enzyklopedie.
Den Adolphe Sax (eigentlech Antoine Joseph Sax), gebuer de 6. November 1814 zu Dinant a gestuerwen de 4. Februar 1894 zu Paräis war e belschen Instrumentebauer.
De Jong vun engem Instrumentebauer ass 1842 op Paräis geplënnert. Hien huet un der Verbesserung vun der Klarinett an der Bassklarinett geschafft. Mat der Ënnerstëtzung vum Hector Berlioz huet den Adolphe Sax de Saxophon, genee wéi d'Saxhar an d'Saxtuba erfonnt. Vun 1857 u war hie Professer fir Saxophon um Paräisser Conservatoire.
[änneren] Fir ze liesen
- Adolphe Sax, Malou Haine, Editions Université Bruxelles, Bruxelles, 1980
- Sax, Mule & Co, Jean-Pierre Thiollet, H & D, Paris, 2004. ISBN 2 914 266 03 0
