Adriatescht Mier

Ausschnëtt aus der Blue Marble-Kaart vun der NASA

D'Adriatescht Mier, kuerz Adria; (lat.: Mare Adriaticum, it.: Mare Adriatico, an de südslawesche Sproochen Jadransko more oder einfach Jadran, Slowenesch: Jadransko morje, Albanesch: Deti Adriatik), ass e laanggezunnene Säitebaseng vum nërdleche Mëttelmier. Et ass no der Stad Adria an Italien (Provënz Rovigo) genannt ginn. D'Strooss vun Otranto ass seng südlech 'Grenz'; et trennt Apenninhallefinsel vun der Balkanhallefinsel.

Staaten um Adriatesche Mier sinn Italien, Slowenien, Kroatien, Bosnien-Herzegowina (bei Neum), Montenegro an Albanien.

D'Adriatescht Mier ass vun Nordweste bis Südosten 820 Kilometer laang an an der Moyenne 160 km breet (gréisste Breet: 220 Kilometer). Et bedeckt eng Fläch vun 132.000 Quadratkilometer. Den nërdlechen Deel ass am Duerschnëtt tëschent 40 an 200 Meter déif, dee südlechen do dergéint ass e gutt stéck méi déif, am déifsten ass et tëschent Durrës a Bari (1.260 Meter).

Tourismus

Den Tourismus laangscht d'Adria ass héich entwéckelt; bekannte Stied sinn:

• Italien: Venedeg, Ravenna, Rimini, Chioggia, Eraclea Mare, Jesolo, Caorle, Bibione, Grado, Ancona, San Benedetto del Tronto, Giulianova, Pescara, Vasto, Termoli, Vieste, Trani, Otranto.
• Kroatien: Dubrovnik, Rovinj, Poreč, Pula, Opatija, d'kroatesch Inselen, Zadar, Šibenik, Trogir, Split an d'Makarska-Riviera
• Slowenien: Portorož, Izola, Koper a Piran
• Montenegro: Budva, Herceg Novi, Ulcinj
• Bosnien-Herzegowina: Neum
• Albanien: Durrës, Vlora, Kavaja, Velipoja a Shëngjin

Häfen

Den Hafe vun Ancona

Wichteg Hafestied sinn:

• an Italien: Triest, Venedeg mam Hafe vu Chioggia, Ravenna, Ancona, Pescara, Ortona, Bari, Brindisi
• a Slowenien: Koper
• a Kroatien: Pula, Rijeka, Ploče, Zadar, Split, Dubrovnik
• a Montenegro: Kotor, Bar
• an Albanien: Durrës, Vlora

Inselen

• Kroatien: Brač, Cres, Čiovo, Dugi Otok, Hvar, Ilovik, Ist, Jabuka, Korčula, Krk, Lastovo, Lopud, Lošinj, Mljet, Pag, Premuda, Olib, Rab, Šipan, Susak, Vis, Unije an eng jett méi: et ginn der am ganzen 1.246 wouvunner der awer nëmme 47 bewunnt sinn.
• Montenegro: Sveti Stefan, Sveti Nikola an di kleng Inselen an der Bucht vu Kotor: Mamula, Sveti Marko, Ostrvo Cvijeća („Blummeninsel“), Gospa od Škrpjela a Sveti Đorđe bei Perast
• Albanien: Sazan
• Italien: d'Tremiti-Inselen

Um Spaweck

Commons: Adriatescht Mier – Biller, Videoen oder Audiodateien