Adriaan Blaauw

Vu Wikipedia
Wiesselen op: Navigatioun, sichen
Den Adriaan Blaauw (7. Oktober 2004)

Den Adriaan Blaauw, gebuer den 12. Abrëll 1914 zu Amsterdam a gestuerwen den 1. Dezember 2010 zu Groningen war en hollänneschen Astronom.

De Blaauw huet op den Universitéite vu Leiden a Groningen studéiert. Geschafft huet hien ënner aneren am Yerkes-Observatoire, am Leidener Observatoire an op der Universitéit Groningen. Schwéierpunkte vu senger Fuerschung waren d'Stärekéip an déi wéineg dicht Stärenassociatiounen, aus Duebellstäresystemer bei der Explosioun vun engem Partner fräigesate Ausräisserstären, d'Struktur vun der Mëllechstrooss souwéi d'Stäregenesis an d'kosmesch Distanzskala.

De Blaauw war en erfollegräiche Wëssenschaftsmanager. Ënner anerem war hie Matgrënner vun der Fachzäitschrëft Astronomy and Astrophysics, vun 1970 bis 1974 zweete Generaldirekter vum Europäesche Südobservatoire a vun 1976 bis 1979 President vun der internationaler astronomescher Unioun.

Éierungen[änneren | Quelltext änneren]

Um Spaweck[änneren | Quelltext änneren]

Saturn 01.svg Portal Astronomie