Advanced Composition Explorer

Vu Wikipedia
Wiesselen op: Navigatioun, sichen
ACE
D'Raumsond ACE
Missiounszil L1
Land USA
Agentur NASA
Startmass 752 kg
Start 25. August 1997, 14:39 UTC
Status aktiv
ACE Bunn
Opbau vun der Raumsond ACE
Start vum ACEs Delta II 7920-8

Den Advanced Composition Explorer, kuerz ACE, ass eng Raumsond vun der NASA, déi de 25. August 1997 gestart gouf. ACE gouf am Kader vum Explorer-Programm realiséiert an dréit dofir och den Numm Explorer 71.

Missioun[änneren | Quelltext änneren]

ACE steet fir „Advanced Composition Explorer“. Zil vun der 752 kg schwéierer Sond ass d'Analys vu solaren, interplanetaren, interstellaren a kosmesche Partikelen op der Grenz vum Äerdschwéierfeld no beim Lagrange-Punkt L1. Si gouf mat enger Delta II 7920-8 gestart an an enger Ëmlafbunn ëm L1 positionéiert, an där si wahrscheinlech bis ongeféier 2024 schaffe kann. Trotz Stéierunge vun engem Instrument ass d'Sond nach ëmmer aktiv.

Beschreiwung[änneren | Quelltext änneren]

ACE ass eng Raumsond mat engem aachteckegen Haaptkierper vun 1,6 m Duerchmiesser an 1 m Héicht. Véier Solarzellepaddele sinn ugebaut: op jiddwer zweeter Säit eent. Zwéi géigeniwwerleiend Paddelen droen ausserdeem un hiren Enner Stief mat Magnéitometeren. D'Solarzellepaddele si mat Silicium-Solarzelle beluecht, déi wéinst der Stralenofschiermung mat Quarz bedeckt sinn. Si sollen um Enn vun der geplangter Liewensdauer vu 5 Joer (2002) nach 440 Watt produzéieren; dat si méi wéi d'425 Watt, déi ACE maximal verbraucht. Mat ausgefuerene Solarzellepaddelen a Magnéitometer huet ACE ronn 8,3 m Duerchmiesser. ACE hat e Startgewiicht vun 785 kg an 189 kg Hydrazin Dreifstoff u Bord. ACE rotéiert wéinst der Spinstabilisatioun mat 5 Ëmdréiunge pro Minutt ëm eng Achs, déi duerch den Zentrum vum Haaptkierper geet. D'Achs ass laanscht d'Linn Äerd-Sonn ausgeriicht. ACE huet zwéi Kommunikatiounssystemer, déi um S-Band schaffen.

Um Spaweck[änneren | Quelltext änneren]

Commons: ACE – Biller, Videoen oder Audiodateien

Kuckt och[änneren | Quelltext änneren]

Saturn 01.svg Portal Astronomie