Ali Kaes
Vu Wikipedia, der fräier Enzyklopedie.
Den Ali[1] (oder Aly[2]) Kaes, gebuer de 4. Abrëll 1955 zu Dikrech, ass e lëtzebuergesche Politiker (CSV).
Hien ass Buergermeeschter vun der Gemeng Tandel, déi den 1. Januar 2006 duerch Fusioun entstane war. Virdru war hien zënter dem 1. Januar 1994 Buergermeeschter vu Baastenduerf, enger vun de fusionéierte Gemengen. Vun 1989 bis 1993 war hien am Baastenduerfer Gemengerot.
Den Ali Kaes ass 2004 als Deputéierte vum Walbezierk Norden an d'Chamber gewielt an 2009 dohinner erëmgewielt ginn.
Den Ali Kaes ass bestuet an huet 2 Kanner.
