Antoine-Jérôme Balard

Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.

Den Antoine Jérome Balard

Den Antoine-Jérôme Balard, gebuer den 30. September 1802 zu Montpellier, a gestuerwen den 30. Mäerz 1876 zu Paräis, war e franséische Chemiker an Apdikter. Hien ass ë. a. bekannt dofir, de Brom entdeckt ze hunn.

Liewen

De Balard ass als Jong vun engem Wënzer op Welt komm. Seng Mamm war Kächin am Haus vun senger Giedel, an do huet hien och seng Kandheet verbruecht. Seng Schoul huet hien ze Montpellier gemaach, wou hien als Apdikter een Ofschloss krut. Hie war Professer op der Faculté des Sciences de Paris. 1850 ass hie Professer um Collège de France ginn.

No sengem Doud ass hien am Panthéon begruewe ginn. De Louis Pasteur an de Marcelin Bertholet waren zwéi vun senge Studenten.

Wëssenschaftlech Aarbecht

De Balard ass virun allem bekannt fir de Brom entdeckt ze hunn. Hien huet awer och d'Hypochloritsaier (HClO) entdeckt, ausserdeem den 1,2-Dibromoethan an d'Oxamechsaier (H₂NCO-COOH). Donieft huet hien nach d'Liichtempfindlechkeet vum Sëlwerbromid entdeckt. Déi Substanz gouf spéiderhin an den éischte Filmer verwendt.

Éierungen

• Eng Strooss, an eng Metros- an Tramsstatioun zu Paräis goufen no him benannt
• De pôle d'excellence vun der Universitéit vu Montpellier huet sengem Excellencepräis an der Chimie säin Numm ginn
• 1830 krut hien d'Royal Medail vun der Royal Society

Um Spaweck

• Biographie der Société d'Histoire de la Pharmacie