Apple Macintosh

Vu Wikipedia
Wiesselen op: Navigatioun, sichen
Den éischte Macintosh vun 1984

Den Apple Macintosh ,(ˈmækɪntɒʃ) haut einfach Mac (mæk) genannt, ass en Desktop-Computer vun Apple. Den éischte Mac, deen 1984 agefouert gouf, war den éischte kommerziell erfollegräichen Desktop-Computer, deen eng graphesch Benotzersurface (GUI) an eng Maus amplaz vun enger Befehlszeilen-Uewerfläch (CLI) hat.

Numm[änneren | Quelltext änneren]

De Macintosh ass nom Apel McIntosh benannt. De McIntosh war de Liiblingsapel vum Jef Raskin, engem Member aus dem Designteam vu Macintosh. En alternativen Numm während der Entwécklungszäit war Bicycle ("Vëlo"): Den Apple-Matgrënner Steve Jobs huet de Computer als Bicycle for your mind gesinn, mä wéinst dem Widderstand vum d'Entwécklerteam huet sech d'Bezeechnung Macintosh schlussendlech duerchgesat.

Fir den Numm Macintosh hat Apple am Joer 1983 en 10-järegt Lizensofkomme mam amerikaneschen HiFi-Hiersteller McIntosh Laboratory ofgeschloss.

Aktuell Produiten[änneren | Quelltext änneren]

Bild Numm Typ Zilgrupp Beschreiwung
De Mac mini Mac mini Desktop Consumer De Mac mini ass de bëllegste Mac dee bis ewell gebaut gouf, gläichzäiteg ass et den eenzege Computer vun Apple bei deem weder en Ecran, nach eng Tastatur oder Maus matgeliwwert gëtt.
Den iMac iMac Desktop Consumer Den iMac ass dee bekanntste Computer vun Apple, a gläichzäiteg deen, deen am meeschte verkaf gouf. Als "All-in-One Design" kombinéiert en Ecran a Computer an engem Gehais. En huet en Intel Core 2 Duo respektiv en Intel Core i7 a gëtt mat engem 21,5"-, oder 27"-TFT-Bildschierm verkaf.
Den PowerMac G5 Mac Pro Workstation Professionell User De Mac Pro ass deen deiersten a gläichzäiteg séierste Workstation-Computer vun Apple. Vu bausse gesäit e bal d'selwecht aus wéi de PowerMac G5, mä doduerch datt d'Intel CPU manner Stroum verbrauchen, ass d'Hardware ganz nei entwéckelt ginn. Den aktuelle Modell huet een (Optioun:zwee) Intel Xeon-Prozesser a gouf den 3. Mäerz 2009 virgestallt.
De wäisse MacBook MacBook Laptop Consumer De Macbook ass den Apple Laptop fir Consumer. De Moment gëtt een Intel Core 2 Duo-Prozesser mat 2,26 GHz an en NVIDIA 9400 M Graphikchip verbaut. De Macbook gëtt momentan nëmmen am wäisse Plastik verkaf.
De MacBook Pro MacBook Pro Laptop Professionell User
  • De klengste Modell aus der Macbook Pro Famill huet en 13" Ecran, eng Intel Core 2 Duo CPU mat 2,26 oder 2,53 GHz an en NVIDIA GeForce 9400M Graphikchip.
  • Mat engem 15,4" Schierm, engem Intel Core 2 Duo Prozesser mat 2,53 GHz, 2,66 GHz oder 2,8 GHz an engem NVIDIA GeForce 9600M GT Graphikchip mat 256 oder 512 MB SDRAM, ass dëse Macbook Pro e Laptop vun enger méi héijer Leeschtungsklass wéi de Macbook an de Macbook Pro 13".
  • 17": Dëse MacBook Pro ka mat 2,8 GHz oder 3,06 GHz bestallt ginn, an huet, als eenzege Laptop vun Apple, en ExpressCard-Slot. Als Graphikchip gëtt eng NVIDIA GeForce 9400M an eng 9600 GT mat 512MB SDRAM verbaut.
De MacBook Air MacBook Air Laptop Consumer De MacBook Air war bei senger Virstellung, am Januar 2008, den dënnste Laptop um Marché. Et gëtt entweder en Intel Core 2 Duo mat 1,86 GHz an eng 120 GB SATA Festplack verbaut, oder, géint Oppräis, dee selwechten Prozesser mat 2,13 GHz an eng SSD mat 128 GB verbaut. Als Graphikchip gëtt eng NVIDIA GeForce 9400 M verschafft. Et gëtt en 13,3" Bildschierm mat enger LED-Hannergrondbeliichtung verbaut. Nieft dem MagSafe-Netzuschloss huet de MacBook Air nëmmen dräi aner Uschlëss: en Adui-Ausgang, en USB-Port an e Mini Display Port
Den Xserve Xserve Server Wirtschaftskonzerner a professionell User Den Xserve ass deen eenzege Server vun Apple, dee virun allem als Dateserver a fir Client-Server-Uwendunge benotzt gëtt. Als Prozesser ginn, d'selwecht wéi beim Mac Pro Intel Xeon verbaut, déi op der Nehalem-Architektur baséieren.

Kuckt och[änneren | Quelltext änneren]

Commons: Macintosh – Biller, Videoen oder Audiodateien