Apple iPhone

Vu Wikipedia
Wiesselen op: Navigatioun, sichen
Computer n screen.svg Dësen Informatiksartikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Den iPhone 4S

Den iPhone ass e Smartphone, deen 2007 vun Apple entwéckelt gouf.

En ass mat engem MP3-Player equipéiert, deen dem iPod gläicht, a gréisstendeels iwwer den Ecran gesteiert gëtt. En huet, wéi den iPod-touch, eng Multi-Touch-Funktioun, déi et erméiglecht fir e mat e puer Fangere gläichzäiteg ze benotzen.

Entwécklung[änneren | Quelltext änneren]

Den Apple iPhone geet op eng Direktiv vum Apple-Direkter Steve Jobs zréck, datt d'Benotzbarkeet an Entwécklung vun Touchscreens soll studéiert ginn. Den iPhone ass den 9 Januar 2007 der Ëffentlechkeet presentéiert ginn, a koum an den USA den 29 Juni 2007 an d'Geschäfter. D'initial Begeeschterung fir dës nei Generatioun vun Handy war grouss, sou datt den iPhone am November 2007 och a Groussbritannien, Frankräich an Däitschland, an am Fréijoer 2008 an Irland an Éisträich zum Verkaf ugebuede gouf. Zu Lëtzebuerg war d'Maartaféierung am Oktober 2008.
Den 11 Juli 2008 gouf de weiderentwéckelten Apple iPhone 3G an 22 Länner lancéiert, mëttlerweil ass dëse Modell an iwwer 80 Länner ze kréien.

An drëtter Generatioun gouf den 8 Juni 2009 den Apple iPhone 3GS presentéiert, déi bis dato lescht Versioun vum iPhone.

Den iPhone 4, mat als Neierung enger Kamera op der viischter an op der hënneschter Säit an engem Ecran mat méi héijer Opléisung, koum de 24. Juni 2010 op de Maart.

Versiounen[änneren | Quelltext änneren]

1. Generatioun: iPhone
Späicherkapazitéit vun entweder 4GB oder 8GB, spéider och 16GB. WiFi, EDGE a GSM-Reseau kompatibel. Cover aus Aluminium mat Plastik.
2. Generatioun: iPhone 3G
Choix tëscht enger Späicherkapazitéit vun 8GB (schwaarze Cover) oder enger Späicherkapazitéitt vu 16GB (wäisse Cover). De Cover besteet aus haardem Plastik fir de GSM-Signal manner ze stéieren. Éischten iPhone mat GPS. Den iPhone 3G ënnerstëtzt d'3G-Technologie a GPS.
3. Generatioun: iPhone 3GS
Am Verkaf mat wäissem oder schwaarzem Cover, ouni Bezuch op d'Späicherkapazitéit; liwwerbar mat 16GB oder 32GB Späicher. Nieft Verbesserunge vun der Kamera huet dëse Modell als éischten d'Méiglechkeet vun enger Steierung mat Hëllef vun der Stëmm. Den S steet fir Speed (Schnellegkeet).
4. Generatioun: iPhone 4
5. Generatioun: iPhone 4 S
Liwwerbar mat bis zu 64GB Späicher.

Hardware[änneren | Quelltext änneren]

Bildschierm
Den iPhone zeechent sech besonnesch duerch de groussen Touchscreen aus, dee bal déi ganz Face vum Apparat anhëlt. Nëmmen ee Steierknäppchen, Volume + a -, sou wéi e „Silence“ Schieber an den On/Off-Knäppchen sinn ausserhalb vum Bildschierm. De Bildschierm ass en LCD-Bildschierm vun 9 cm an der Diagonal (320x480 px, 160 ppi, HVGA) mat 18-bit Faarf (262.144 Faarwen). D'Material ass „Scratch-Resistant“. All Funktioune kënne mat Hëllef vun engem eenzelne Fanger oder, a verschiddene Fäll, mat 2 Fangere gläichzäiteg ausgefouert ginn (sou genannt "Multi-Touch-Funktioun). Am Géigesaz zu Konkurrenzmodeller kënne keng Stylusë benotzt ginn.
De Bildschierm besëtzt 3 Sensoren. Bei Applikatioune vun Apple, an och vun aneren Auteuren, wann erméiglecht, rotéiert de Bildschierm entgéint der Bewegung vum iPhone, sou datt sech d'Bild der Positioun vum iPhone op Portrait- oder Landschaftsformat upasst, dat mat Hëllef vun engem 3-Axen Accelerometer. E weidere Sensor reagéiert op d'Proximitéit, wann den Telefon un d'Ouer geholl gëtt fir ze telefonéieren an deaktivéiert de Bildschierm fir Stroum ze spueren an onfräiwëlleg Angaben ze verhënneren. En drëtte Sensor moosst d'Intensitéit vun der Lut an donkelt oder hellt de Bildschierm deementspriechend op.

Audio
Den iPhone huet e Kopfhörer-Ausgang, an deen den iPhone-spezifesche Kopfhörer, awer och all aner Kopfhörer mat engem 3.5mm TRRS Stecker, ka gestach ginn. Zousätzlech huet den Apparat 2 Speakeren an e Mikro um Gehais, fir mat engem Hands-free Kit z'operéieren.
Akku
D'Batterie vum iPhone ass, am Géigesaz zu de meeschten aneren Handy-Modeller, net vum Besëtzer austauschbar. Si ka mat dem matgeliwwerte Kabel opgeluede ginn, entweder iwwer e Stecker, oder iwwer en USB-Port um Computer.
Kamera
Den iPhone an den iPhone 3G hunn eng agebauten 2.0 Megapixel Kamera ouni Blëtz, optesche Zoom oder Autofocus. Video gëtt vun dëse Modeller och net ënnerstëtzt. Vun der Versioun 2.0 vum Operating System (OS) un ass et méiglech, Positiounsdaten an enger Foto ze späicheren. Den iPhone 3G S huet eng 3.2 Megapixel Kamera mat Autofocus, automateschem Wäissausgläich an der Méiglechkeet fir Makro-Opnamen ze maachen. Dëse Modell kann och Videoen enregistréieren a VGA-Resolutioun (640x480) an 30 Biller pro Sekonn.

Funktiounen[änneren | Quelltext änneren]

Interface
Bal all Operatioune ginn iwwer den Touch-Screen gemaach, sief et mat engem Fanger, deen ähnlech wéi e Mauszeiger benotzt gëtt, sief et mat zwee Fangeren (Multi-Touch), wouduerch zum Beispill op eng Foto ka gezoomt ginn. Mat séiere Bewegungen an eng Richtung kann ëmgebliedert, respektiv gescrollt ginn.
Als Défaut sinn installéiert: Messages (SMS an MMS), Kalenner, Fotoen, Kamera, YouTube, Bourse, Kaarten (Google Maps), Wieder, Dictafon, Noten, Auer, Rechemaschinn, Astellungen, iTunes, App Store an (nëmmen um iPhone 3G S Kompass. Dës Programmer kënnen net geläscht ginn. Duerch eng Bewegung mam Fanger kann eng nei Säit opgemaach ginn, op där nei Programmer erschénge wa se installéiert goufen. Op dës Säite kënnt ee mat enger Fangerbewegung wéi horizontal iwwer de Bildschierm. Ënne si weider 4 Programmer am „Dock“, dee sech net ännert, och wann op eng aner Säit gebliedert gëtt: Telefon, Mail, Browser (Safari) an iPhone.

MP3 Player
Den iPhone huet d'Office eng Software installéiert, déi där vum iPod gläichkënnt, déi et erlaabt Musek am MP3-Format ofzepsillen. Dëse Programm kann am Hannergrond weider lafe während aner Programmer, wéi zum Beispill de Safari-Browser, benotzt ginn.

Video-Plyer

Applikatiounen („Apps“)

De Programm App Store erméiglecht et engem, direkt vun Apple Programmer fir den iPhone erofzelueden, déi net méi grouss wéi 10Mb sinn. Wat den iPhone vu villen anere Smartphones ofhiewt ass d'Mass vu sougenannte „3rd Party Apps“, déi net vun Apple selwer, ma vun Drëtte via App Store ugebueden a verkaf ginn. Développeurë kënne sech dofir e Software Development Kit (SDK) eroflueden, deen et hinnen erméiglecht eng Applikatioun ze programméieren. Dës Applikatioune kënnen da gratis oder käschteflichteg am App Store ugebuede ginn. Apple behält sech awer d'Recht vir, d'Vente vu verschiddenen Apps z’ënnerbannen, wa se géint hir Bestëmmunge verstoussen.

Sécherheet[änneren | Quelltext änneren]

Den 9 November 2009 huet CASES eng Warnung publizéiert, datt an Australien en éischte Virus fir iPhone opgetaucht wier. Dëse Virus gräift awer nëmmen iPhones un, bei deenen ‚Jailbreaking‘ gemaach gouf.[1]

Jailbreaking[änneren | Quelltext änneren]

Beispiller vu Lëtzebuerger Applikatiounen[änneren | Quelltext änneren]

  • Hot City
  • Editus
  • Wort.lu
  • RTL
  • Tageblatt
  • Eldoradio - Test vun der App
  • BCEE
  • 5minutes
  • Rockhal

Maartundeel[änneren | Quelltext änneren]

Enger Etüd no goufen ufanks 2010 zu Lëtzebuerg 4 % vun allen Internetaccèse mam OS iPhone Betribssystem, deemno mat engem iPhone oder engem iPod gemaach. Déi europäesch Moyenne läit bei just 0,9 Prozent.[2]

Um Spaweck[änneren | Quelltext änneren]

Commons: Apple iPhone – Biller, Videoen oder Audiodateien

Referenzen[änneren | Quelltext änneren]