Asaph Hall

Vu Wikipedia
Wiesselen op: Navigatioun, sichen
Asaph Hall

Den Asaph Hall, gebuer de 15. Oktober 1829 zu Goshen, Connecticut a gestuerwen den 22. November 1907 zu Annapolis, Maryland war en US-amerikaneschen Astronom an ass den Entdecker vun de béide Marsmounde Phobos an Deimos.

No dem Doud vu sengen Elteren huet den Hall eng Léier als Zammermann ugeholl an huet uschléissend d'Universitéit Michigan besicht, wou hien Astronomie studéiert huet. Well hien net genuch Geld hat, war hie gezwongen, d'Universitéit ze verloossen an 1857 eng Plaz am Harvard College Observatoire zu Cambridge unzehuelen. Do gouf hien een Expert am Berechne vun Ëmlafbunnen. Am August 1862 wiesselt hien an d'United States Naval Observatoire zu Washington, D. C., wou hie bis 1891 bliwwen ass. Hie gouf do am Joer 1863 Professer fir Mathematik.

1877 stoung de Mars ongewéinlech gënschteg fir d'Astronomen, déi weltwäit hir Aen op de roude Planàit geriicht hunn. Dëst huet engersäits zu der Entdeckung vun de „Marskanäl“ duerch den Giovanni Schiaparelli an anerersäits zu der Entdeckung vu béide Marsmounde Phobos an Deimos duerch den Hall gefouert. Heibäi gouf hie ganz aktiv vu senger Fra Chloë Angeline ënnerstëtzt, déi hien zu ëmmer weidere Observatiounen ugespornt huet. Den Hall huet fir seng Observatiounen de groussen 26-Zoll-Refrakter „Great Equatorial“ agesat, dat deemools gréisst Instrument vun där Zort weltwäit. Den Hall huet och d'Ëmlafbunne vu béide Mounde berechent.

1879 krut den Asaph Hall d'Goldmedail vun der Royal Astronomical Society. 1891 huet den Hall Washington verlooss a goung op Annapolis, wou hien am Joer 1907 gestuerwen ass.

Um Spaweck[änneren | Quelltext änneren]

Commons: Asaph Hall – Biller, Videoen oder Audiodateien