Astrium

Den Haaptsëtz vum Astrium zu München

Astrium, war eng 100-prozenteg Duechtergesellschaft vun der EADS. Si war op zivil a militäresch Raumfaartsystemer spezialiséiert.

Geschicht

Astrium gouf am Mee 2000 aus de Raumfaartberäicher vun der DASA gegrënnt. Hir Wuerzele ginn zeréck bis 1961 op d'Aarbechtsgemeinschaft Entwécklungsrank Nord (ERNO). Am Dezember 2006 gouf si an EADS Astrium an am Dezember 2010 nees an Astrium ëmgenannt.

Am Joer 2009 hat Astrium en Ëmsaz vu 4,8 Milliarden Euro erreecht a an huet ronn 15.000 Mataarbechter a Frankräich, Däitschland, Groussbritannien, Spuenien an an Holland beschäftegt. Am Joer 2011 gouf mat 16.623 Mataarbechter en Ëmsaz vu 4,967 Milliarden Euro agefuer (Ebit-Marge 5,4 %). (Quell: Handelsblatt vum 31.05.2012).

D'Kärgeschäft war an dräi Beräicher gegliddert: Astrium Space Transportation fir Drorakéiten a Weltraum-Infrastrukturen, Astrium Satellites fir Satellitten a Buedemsegmenter souwéi Astrium Services fir ëmfassend Enn-zu-Enn- a Méiwäert-Léisunge bei Sécherheets- a kommerzieller Satellittekommunikatioun an Netzwierker, Ekipement fir Héichsécherheets-Satellittekommunikatioun, moossgeschneidert Produkter an Déngschleeschtunge fir Geo-Informatiounen a weltwäit Déngschtleeschtunge fir Navigatioun. Ënner der Mark Astrium gouf och e Raumschëff fir Weltraumtouristen ugebueden.

Astrium gouf am Januar 2014 mat Cassidian an Airbus Military zesummegeluecht, a besteet zanterhir als neit Airbusdepartement, Airbus Defencen and Space, deem säin Haaptsëtz zu München ass.

Geschäftsberäicher

Astrium gliddert sech an dräi Geschäftsberäicher:

• Astrium Satellites (ASL) fir Satellitten a Buedemsegmenter
• Astrium Space Transportation (AST) fir Drorakéiten a Weltraum-Infrastrukturen
• Astrium Services (ASV) fir d'Entwécklung a Liwwerung vu satellittebaséierten Déngschtleeschtunge fir militäresch a kommerziell Zwecker souwéi weltwäit Déngschtleeschtunge fir d'Navigatioun

Produktpalett

• Drorakéiten (kommerziell a militäresch, inklusiv fir déi franséisch strateegesch Marinn – FOST): Ariane (Rakéit)
• Orbitalsystemer: Columbus (ISS) an den Automated Transfer Vehicle
• ENS-Satellitten (Äerdobservatioun, Navigatioun a Wëssenschaft), Gaia a Rosetta
• Telekommunikatiounssatellitten
• Undriffssystemer a Raumfaartausrëschtung

• 
  Ariane-44lp
• 
  Ariane 5ES mat ATV 4
• 
  Ariane 5ECA
• 
  Raumlaboratoire Columbus
• 
  Raumsond Gaia
• 
  Sond Rosetta

Standplazen

• Däitschland: Backnang, Bremen, Friedrichshafen/Immenstaad am Bodensee, Jena, Lampoldshausen, Ottobrunn, Potsdam, Rostock, Trauen
• Frankräich: Vélizy, Les Mureaux, Bordeaux, Toulouse
• Franséisch-Guayana: Kourou
• Groussbritannien: Portsmouth, Stevenage
• Spuenien: Madrid

Duechterentreprisen

• Arianespace (Astrium Space Transportation 28,6 %), de Verkeefer vun den Drorakéiten Ariane 5 a Vega
• CILAS
• Dutch Space (Astrium Space Transportation 100 %), en Hiersteller vun Solarpanelen, Rakéitekomponenten an Instrumenter fir wëssenschaftlech Satellitten
• EADS CASA Espacio
• EADS Sodern
• Eurockot (Astrium Space Transportation 51 %), de Verkeefer vun der russescher Drorakéit Rockot
• Infoterra alen Numm vun Astrium Services, Friedrichshafen
• Jena-Optronik
• ND SatCom (75,1 %)
• NGL Prime S.p.A. (50 %)
• Paradigm Secure Communications Ltd (Astrium Services 100 %), en Ubidder vu militärescher Satellittekommunikatioun
• RST Rostock System-Technik (100 %), eng Technologieentreprise am Beräich Loft- a Raumfaart
• Spotimage
• Starsem (Astrium Space Transportation 35 %), de kommerziellen Ubidder vun der russescher Sojus-Rakéit
• Tesat-Spacecom (100 %), en Hiersteller vu Notzlaaschte fir Kommunikatiounssatellitten

Um Spaweck

Commons: EADS Astrium – Biller, Videoen oder Audiodateien

• Astrium