Atacama Pathfinder Experiment
D’Atacama Pathfinder Experiment (APEX) ass e Radioteleskop mat 12 Meter Reflekterduerchmiesser an der chilenescher Atacamawüst. APEX gouf zesumme vum Max-Planck-Institut fir Radioastronomie (MPIfR), der Europäeschen Südobservatoire (ESO) an dem schwedeschen Onsala Space Observatory (OSO) op der Standplaz vum Radiointerferometer Atacama Large Millimeter Array (ALMA) opgeriicht. Dëse läit op 5100 Meter Héicht op dem Chajnantor-Héichplateau an Nordchile, dat duerch seng dënn an drëche Loft besonnesch fir astronomesch Observatiounen am Submillimeter- a Millimeterberäich zweckvoll ass. APEX schafft bei 0,2 - 2,0 mm [1] Wellelängt. D’Teleskop ass e liicht verännerte Prototyp vun enger ALMA-Antenn. Déi béid Nasmyth Kabinnen bidden zousätzlech Plaz fir Emfänger
Am Summer 2005 goufen déi éischt wëssenschaftlech Observatiounen mam APEX duerchgefouert. D’wëssenschaftlech Schwéierpunkte vum Teleskop leien op der Erfuerschung vu Stäregebuert an dem Universum bei grousser Routverrécklung.
