Augusto Pinochet

Vu Wikipedia
Wiesselen op: Navigatioun, sichen
Luxembourg politic personality icon.svg Dësen Artikel iwwer e Politiker ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
De Pinochet 1975 an Argentinien

Den Augusto José Ramón Pinochet Ugarte [pinoˈʧεt] (* 25. November 1915 zu Valparaíso, † 10. Dezember 2006 zu Santiago de Chile) war e chilenesche Generol an Diktator. Vum 11. September 1973 bis zum 11. Mäerz 1990 huet hien Chile regéiert: fir d'éischt als President vun enger Militärjunta duerno als President (ouni awer jee gewielt gewiescht ze sinn). Hie war ee vun den Haaptleit beim Putsch géint den deemolege sozialistesche President Salvador Allende.

An deene 17 Joer wou en un der Muecht war, waren Arrestatiounen, Folterung, Muerd oder Verbannung vu politesche Géigner feste Bestanddeel vum Pinochet senger Politik. D"Kommissioun fir Wourecht a Reconcilliatioun" huet 2.095 doudeg an 1.102 "verschwonne" Prisonéier gezielt, aner Quellen zielen der Honnerte méi.

27.255 Leit krute spéider de Status als politesch Gefaangen unerkannt, dorënner 13% Fraen; bal all goufe systematesch gefoltert. Honnertdausende vu Chilenen hunn d'Land verlooss, fir virum Regime fortzelafen.

De Pinochet gouf, nodeem e Walen zougelooss hat, den 11. Mäerz 1990 vum Patricio Aylwin als President ofgeléist. Well e sech d'Verfassung virdrun op d'Mooss schneidere gelooss hat, blouf e Senator op Liewenszäit, wat him politesch Immunitéit ginn huet, a bis 1998 Commandant en Chef vun der Arméi.

De Pinochet ass, eng Woch no engem Häerzinfarkt, am Alter vun 91 Joer gestuerwen, ouni fir d'Verbriechen, déi ënner senger Herrschaft geschouchen, veruerteelt ginn ze sinn.

Kuckt och[änneren | Quelltext änneren]

Commons: Augusto Pinochet – Biller, Videoen oder Audiodateien

Um Spaweck[änneren | Quelltext änneren]