Australia Telescope Compact Array

Vu Wikipedia
Wiesselen op: Navigatioun, sichen
Ee vun den ATCA-Radioteleskope.

Den Australia Telescope Compact Array (ATCA) ass e Radiointerferometer fir astronomesch Observatioune mat Standplaz no bei Narrabri, Australien.

Den ATCA besteet aus sechs Radioteleskope mat jee 22 m Antennenduerchmiesser, déi op verschiddene Statioune mat bis zu maximal 6 km Distanz an ost-westlecher Richtung opgestallt kënne ginn. Seng Standplaz, de Paul-Wild-Observatoire, läit ronn 30 km westlech vun Narrabri an ongeféier 500 km nordwestlech vu Sydney an enger Héicht vun 234 m. Den ATCA besëtzt Empfänger fir Radiowellelängte tëscht 20 cm an 3 mm. Zesumme mat dem grousse Radioteleskop vum Parkes-Observatoire an engem weidere Radioteleskop zu Mopra gëtt den ATCA och fir Very Long Baseline Interferometry gebraucht.

Den ATCA ass am Moment[Wéini ?] dat leeschtungsbescht Radiointerferometer op der südlecher Äerdhallefkugel. Zesumme mat aneren australesche Radioteleskope ass den ATCA Deel vun der Australia Telescope National Facility (ATNF) a gëtt vun der australescher Wëssenschaftsorganisatioun CSIRO bedriwwen.

Um Spaweck[änneren | Quelltext änneren]

Saturn 01.svg Portal Astronomie