Baarle-Hertog

Vu Wikipedia
Wiesselen op: Navigatioun, sichen
Baarle-Hertog
center}}}
Land Flag of Belgium (civil).svg Belsch
Regioun Flag of Flanders.svg Flandern
Communautéit Flag of Flanders.svg Flämesch Communautéit
Provënz Flag of Antwerp.svg Antwerpen
Arrondissement Turnhout
Telefonszon 014
Postcode 2387
Koordinaten Gnome-globe.svg51° 26’ 00’’ N
     04° 55’ 00’’ O
Fläch  748 ha
Bevëlkerung  2.385 2008
Baarle-Hertog an der Provënz Antwerpen
Baarle-Hertog an der Provënz Antwerpen

Baarle-Hertog ass eng belsch Gemeng an der Provënz Antwerpen.

Haus am Chaamseweg zu Baarle: D'Grenz - um Buedem markéiert - geet queesch duerch d'Haus.

Baarle-Hertog ass bekannt fir seng komplizéiert Grenze mat Baarle-Nassau an Holland. Et besteet nämlech aus 24 separaten Terrainen. Ausser der Uertschaft, Zondereigen, nërdlech vun der belscher Uertschaft Merksplas, déi keng Exklav ass, gëtt et 20 belsch Exklaven an Holland an 3 aner Stécker op der belsch-hollännescher Grenz. Fir d'Saach nach méi komplizéiert ze maachen, gëtt et an de belschen Exklaven nach eng Kéier am Ganze 7 hollännesch Exklaven, 6 dovun an der gréisster belscher, an eng ganz am belschen Territoire. E klenge Wutz am Süde vu ronn 19 ha huet nëmmen eng e puer Meter breet Verbindung mat Holland.

D'Grenzzéiung ass sou verwurelt, well d'Hollänner an d'Belsch sech 1843 net eens goufen, wéi se sollt verlafen. Dofir ass Parzell fir Parzell verfuer ginn, dorënner der vun net emol engem Ar. Sou kënnt et, datt d'Grenzen alt queesch duerch d'Haiser ginn. D'Lag vun der Hausdier bestëmmt dann, a wat fir engem Land d'Haus steet. Kleng Fändelen nieft der Hausnummer maachen et engem méi einfach, ze wëssen, a wat fir engem Land ee grad ass. Et heescht, datt et alt virkoum, datt, wann d'Steiergesetzer an engem Land zum Nodeel vum Bewunner geännert hunn, d'Hausdier einfach versat gouf. Och Bistroen, op der Grenz, hu vun dëser Situatioun profitéiert: wéi an Holland d'Bistroen éischter hu missen zoumaache wéi an der Belsch, sinn d'Clienten einfach op en aneren Dësch geplënnert.

Literatur[änneren | Quelltext änneren]

  • Louis Malvoz, Baerle-Duc et Baerle-Nassau: Trente-quatre territoires pour deux communes ; in: Bulletin trimestriel du Crédit communal de Belgique , Nr. 155 (Januar 1986); Ss. 3-58 (ill.).
  • Dominique Seytre, Une vie en pointillé: Baarle-Hertog, les enclaves belges des Pays-Bas ; in: Le Jeudi , Ausgab vum 29. Dezember 2011 - 4. Januar 2012; S. 30.

Um Spaweck[änneren | Quelltext änneren]

Commons: Baarle-Hertog – Biller, Videoen oder Audiodateien