Bam vum Prënz Jean
| Bam vum Prënz Jean | |
|---|---|
 Riets de Bam vum Prënz Jean an der Bléi. Lénks en Deel vum Altersheem (Fondation Pescatore). Mee 2009. | |
| Kategorie | Bemierkenswäert Beem zu Lëtzebuerg |
| Land | Lëtzebuerg |
| Plaz | Stadpark |
| Adress | Avenue J.-P. Pescatore |
| Koordinaten | 49°36'57,24"N, 6°7'43,61"O |
| Bamaart |
Käschtebam (Aesculus hippocastanum) |
| Status | Erënnerungsbam |
| Héicht | 23 m |
 | |
De Bam vum Prënz Jean ass e Käschtebam (Aesculus hippocastanum; marronnier d'Inde; Rosskastanie), deen an der Stad Lëtzebuerg am Park virun der Fondatioun Pescatore steet.
Dëse Bam gouf 1921, bei der Geleeënheet vun der Gebuert vum Prënz Jean, de 5. Januar 1921, dem spéidere Groussherzog Jean, geplanzt an dréit vun do u säin Numm. Domat gehéiert dëse Käschtebam zu de bemierkenswäerte Beem zu Lëtzebuerg.
Ëm 2000 gouf en Ëmfang op Broschthéicht vun 3,64 m an eng Gréisst vun 23 m gemooss.
Interessantes[änneren | Quelltext änneren]
- Um Bild am Buch vun 2002 steet de Bam fräi, an d'Plackett ass um Bam fixéiert. 2008 ass de Stamm mat engem Gitter ëmginn, un deem d'Plackett festgemaach ass: Arbre du Prince Jean.
- Dëse Käschtebam gouf 2002 fir d'éischt op d'Lëscht vun de bemierkenswäerte Beem opgeholl.
- De Groussherzog Jean, vun deem bekannt ass, datt hien e groussen Interessi fir d'Beem an d'Natur am Allgemengen hat, huet 1989, bei der Geleeënheet vum 25. Joresdag vu senger Trounbesteigung, all Gemeng am Land e jonke Lannebam geschenkt.
Fotoen[änneren | Quelltext änneren]
 |
 |
 |
 |
 |
Kuckt och[änneren | Quelltext änneren]
- Am Pescatore-Park:
- Joseph-Kutter-Stèle, mat enger Skulptur vum Lucien Wercollier
- Le passe-muraille, eng Skulptur vum Jean-Bernard Métais
- Bam vum Prënz Charles
- Aner bemierkenswäert Beem an der Stad:
- Hobuch op der Kinnekswiss
- Sequoiaen am Amaliepark
- Käschtebam um Square Robert-Brasseur
- Biergahornen op der Corniche (déi zwéi Beem goufen 2009 ewechgeholl)
- Bluttbuch bei der Méchelskierch
- Bluttbuch am Haff vum Geschichtsmusée vun der Stad Lëtzebuerg
- Buch am Péitrussdall, Bastioun Beck
- Nëssert am Konviktsgaart
- Ginkgo op der Eecher Plaz
- Bam vum Prënz Henri am Heeschdrëffer Park
- Bemierkenswäert Beem zu Lëtzebuerg
Quellen[änneren | Quelltext änneren]
- Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 174-175, Text a Foto).