Basiliscus plumifrons

Vu Wikipedia
Basiliscus plumifrons
Basiliscus plumifrons

Basiliscus plumifrons
Basiliscus plumifrons
Systematik
Räich: Déiereräich
Stamm: Chordata
Klass: Reptiller
Uerdnung: Schuppereptiller
Ënneruerdnung: Iguania
Famill: Corytophanidae
Gattung: Basilisken
Aart: 'Basiliscus plumifrons'
Wëssenschaftlechen Numm
'Basiliscus plumifrons'
Edward Drinker Cope, 1876

De Basiliscus plumifrons ass e Reptill aus der Gattung vun de Basilisken (Basiliscus).

Dës Aart kann, fir hire Feinden z'entkommen, op den hënneschte Patten iwwer d'Waasser lafen. Dofir gëtt s'op franséisch och Lézard Jésus-Christ genannt.

De Basiliscus plumifrons gëtt ëm déi 70 – 75 cm laang. De Schwanz ass ongeféier 2 1/2 bis 3-mol sou laang wéi d'Längt vum Kapp bis bei de Schwanz. E Männche kann allerdéngs bis zu 90 cm laang ginn.

D'Faarf ass gréng, donkelgréng bis hin zu blogréng. An der Regioun vum Genéck bis hin zum Schwanz verleeft eng wäiss-gielzeg-blo Sträif vu Flecken. D'Iris ass giel an zimmlech opfälleg.

An der fräier Natur friessen dës Basiliske virun allem Insekten, Schleeken, Fräschen, Fësch, méi kleng Echsen, Bléien a Friichten.

De Basiliscus plumifrons lieft am tropesche Reebësch, am léifsten an der Noperschaft vu Waasser. Doheem ass en am ëstlechen Honduras, iwwer Nicaragua a vu Panama bis op Costa Rica.

Um Spaweck[änneren | Quelltext änneren]

Commons: Basiliscus plumifrons – Biller, Videoen oder Audiodateien