Bastelica

Vu Wikipedia
Wiesselen op: Navigatioun, sichen
Bastelica
De Sampieri Corso
De Sampieri Corso
Land Flag of France.svg Frankräich
Regioun Wopen Korsika.png Korsika
Departement Wopen Korsika.png Corse-du-Sud
Arrondissement Ajaccio
Kanton Bastelica
Code Insee 2A031
Postcode 20119
Koordinaten 42° 00' 10" N
09° 03' 05" O
Fläch Uertschaft  12 769 ha
Bevëlkerung Uertschaft  460 (1999)

Bastelica ass eng franséisch Gemeng op der Insel Korsika.

Bastelica war schonn ëm d'Joer 1000 eng wichteg Uertschaft, an Hierdenzentrum. Si gouf deemools bekannt well den Här vu Venaco, do de Grof vu Cinarca ëmbruecht hat.

Et ass och d'Heemecht vum Sampieri Corso (1498-1567), dem korseschte vun de Korsen, deen ëmmer Oppositioun géint d'Genuaner gemaach huet, déi hie schliisslech och ëmbruecht hunn.

Säi Gebuertshaus zu Dominicacci gouf am 18. Joerhonnert restauréiert, an zum groussen Deel frësch opgeriicht.

D'Gemeng besteet aus 6 Uertschaften. Am alen Duerf gëtt et vill al stengen Haiser mat gravéierte Parten a skulptéierten Dieren.

D'Parkierch aus dem 19. Joerhonnert huet e Kuppeltuerm, an den Haaptaltor ass aus faarwegem Marber.

Kuckeswäertes sinn de Pont génois vun Zippitoli, de Ponte-Vecchio (al Bréck) iwwer de Prunelli, an déi sëllechen traditionell Hierdenhaiser.

Ronderëm Bastelica gëtt et vill Plazen déi iwwer 2000 m leien, an den héchste Punkt ass de Mont Renoso mat 2.352 m.

Duerch déi ganz Gemeng leeft de Prunelli, deen d'Géigend duerch seng Griechten an de Séi vu Vitalacca touristesch intressant mécht.

Val d'Ese ass eng kleng Wantersportstatioun an der Gemeng.

Um Spaweck[änneren | Quelltext änneren]

Commons: Bastelica – Biller, Videoen oder Audiodateien