Blasius vu Sebaste

Vu Wikipedia
Wiesselen op: Navigatioun, sichen
Blasius-Statu an der Abteikierch vun Thorn aus dem Joer 1875 vum W.J. Houtermans vu Roermond

De Blasius vu Sebaste, gestuerwen ëm 316, war Bëschof vu Sebaste an Armenien (dem haitege Sivas an der Tierkei).

Hien ass als Märtyrer bei enger Chrëschteverfollegung ënner dem Keeser Licinius gekäppt ginn.

An der kathoulescher an an der orthodoxer Kierch gëtt en als Hellege veréiert.

Als Hellegen zielt en zu de véierzéng Nouthëllefer.

Säi Fest gëtt den 3. Februar gefeiert, den Dag no Liichtmëssdag.

An England ass et de Patréiner vun de Wollhandwierker.

An der Regioun vum haitege Lëtzebuerg gëtt den Hellege Blasius zanter dem 9. Joerhonnert veréiert, an zu den Nouthëllefer gëtt en zanter dem 14. Joerhonnert gezielt.

De Blasiusseegen ass am 16. Joerhonnert agefouert ginn. Dëse Seege soll géint Halskrankheeten hëllefen. An der Legend gëtt erzielt hien hätt, wie hie gefaange war, duerch säi Gebiet engem Matgefaangene gehollef, deen eng Spränz am Hals stiechen hat.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Blasius vu Sebaste – Biller, Videoen oder Audiodateien