Blizzard Entertainment

Vu Wikipedia
Wiesselen op: Navigatioun, sichen
Blizzard Entertainment
Blizzard Entertainment-Logo.png
Typ Sàrl
Grënnung 1991
Sëtz Flag of the United States.svg USA
Irvine, CA
Flag of France.svg Frankräich
Vélizy, Yvelines
Leedung Michael Morhaime
President
Rob Pardo
Vizepresident
Mataarbechter 1'600 (2006)
Ëmsaz Green up.png$1,5 Milliarden USD (2006)
Produit Computer- a Videospiller
Um Spaweck www.blizzard.com

Blizzard Entertainment ass eng US-amerikanesch Computer- a Videospiller-Entreprise, mat Sëtz zu Irvine (Kalifornien).

Blizzard Entertainment gouf 1991 ënner dem Numm Silicon & Synapse gegrënnt. D'Firma huet Spiller wéi Rock & Roll Racing an The Lost Vikings (verëffentlech vun Interplay Productions) op de Maart bruecht, a gouf 1994 vun dem Tëschenhändler Davidson & Associates fir manner wéi 10 Milliounen US-Dollar opkaf. Kuerz Zäit drop huet Blizzard den Duerchbroch mam Spill Warcraft gepackt. D'Fuerschungs- an Entwécklungsabteilung vu Blizzard besteet aus méi wéi 150 Entwéckler, Produzenten, Programméierer, Kënschtler a Soundtechniker.

Blizzard huet e puer Mol de Besëtzer gewiesselt: Davidson gouf 1996 vun CUC opkaf; duerno huet CUC mat HFS Corporation fusionéiert, fir 1997 déi nei Entreprise Cendant Software ze grënnen. No engem grousse Comptabelskandal am Joer 1998 huet Cendant seng Parten – inklusiv Blizzard – un de franséische Verlag Havas verkaaft. Nach am selwechte Joer gouf Havas vu Vivendi Universal opkaf. Blizzard war duerno en Deel vu VU Games vu Vivendi Universal, zanter 2008 ass et en Deel vun Activision Blizzard.

De Bill Roper huet Blizzard am Joer 2003 verlooss, a vill Blizzard-Mataarbechter hu mat him déi nei Firma Flagship Studios gegrënnt. Grond heifir waren Ausernanersetzunge mam Management vu Vivendi.

Mat Starcraft huet Blizzard eent vun de meeschtverkaften Echtzäitstrategiespiller vun der Welt erausbruecht. De jéngste groussen Erfolleg konnt Blizzard mat World of Warcraft, wat Ufank 2005 an Europa erauskomm ass, feieren. Weltwäit goufen iwwer 8 Milliounen Exempläre verkaaft. Blizzard gouf nieft de Spiller och duerch de käschtefräien Déngscht Battle.net bekannt. 2010 hu se Starcraft II verëffentlecht.

Spiller[änneren | Quelltext änneren]

Joer Titel Genre
1992 The Lost Vikings Jump 'n' run
1993 Rock & Roll Racing Course
1994 Blackthorne Jump 'n' run
1994 Warcraft: Orcs and Humans Echtzäit-Strategie
1995 Warcraft II: Tides of Darkness Echtzäit-Strategie
1996 The Lost Vikings II: Norse by Norse West Jump 'n' run
1996 Warcraft II: Beyond the Dark Portal Echtzäit-Strategie (Add-on)
1997 Diablo Action-/Rollespill
1998 Starcraft Science-Fictioun Echtzäit-Strategie
1998 Battle.net erméiglecht d'Spillen iwwer Internet
1999 Starcraft: Broodwar SF-Echtzäit-Strategie (Add-on)
2000 Diablo II Action-/Rollespill
2001 Diablo II: Lord of Destruction Action-/Rollespill (Add-on)
2002 Warcraft III: Reign of Chaos Echtzäit-Strategie
2003 Warcraft III: The Frozen Throne Echtzäit-Strategie (Add-on)
2004 World of Warcraft MMORPG
2007 World of Warcraft: The Burning Crusade MMORPG (1. Add-on fir World of Warcraft)
2008 World of Warcraft: Wrath of the Lich King MMORPG (2. Add-on fir World of Warcraft)
2010 Starcraft II: Wings of Liberty SF-Echtzäit-Strategie
2010 World of Warcraft: Cataclysm MMORPG (3. Add-on fir World of Warcraft)
2012 Diablo III Action-/Rollespill
2012 World of Warcraft: Mists of Pandaria MMORPG (4. Add-on fir World of Warcraft)
ugekënnegt fir 2013 Starcraft II: Heart of the Swarm SF-Echtzäit-Strategie (1. Add-on fir Starcraft II)
an der Entwécklung Starcraft II: Legacy of the Void SF-Echtzäit-Strategie (2. Add-on fir Starcraft II)

Um Spaweck[änneren | Quelltext änneren]

Commons: Blizzard Entertainment – Biller, Videoen oder Audiodateien