Bommenzinnes
De Bommenzinnes ass an der Lëtzebuerger Ëmgangssprooch den Numm vum Jang vun Nepomuk [1], deen am Joerzéngt 1340-1349 als Jan Welflin oder Wolfflin zu Pomuk[2] bei Pilsen a Béimen op d'Welt koum, an den 20. Mäerz 1393 zu Prag gestuerwen ass. Hie war e béimesche Geeschtlechen.
Inhaltsverzeechnes |
[änneren] D'Legend
De Bommenzinnes war, der Legend no, e béimesche Rechtsgeléierten, deen am 14. Joerhonnert zu Prag Generalvikar war. Ënner der Herrschaft vum Wenzel II. gouf en den 20. Mäerz 1393 zu Prag an der Moldau ersoff, well e beim Kinnek an Ongnod gefall war.
[änneren] De Schutzpatroun
Den 19. Mäerz 1728 gouf hie vum Poopst Benedikt XIII. helleg gesprach an hie gëllt zënterhier als Schutzpatroun géint Waasserschied a géint Diffamatiounen.
[änneren] Statuen a Biller zu Lëtzebuerg
- Aasselbur: Niewent der Bréck op der Aasselburer Millen
- Rouderssen: Bréck op der Dörnauelsmillen
- Stad Lëtzebuerg:
- Kathedral: op engem Beichtstull an der Sakristei. D'Statu war fréier emol an der Nikloskierch.
- Méchelskierch: e Bild op deem hien, dem Wenzel seng Fra a säin Doud an der Moldau ze gesi sinn.
- Rouscht: um Ilôt du Roost hanner dem Palais am Haff vum Café Art' Scène steet zënter dem 10. Oktober 1995 eng Kopie vun der Bommenzinnes-Statu, déi nach ëmmer do stoung. Den Original steet an der Strocke-Kapell.
- Strocke-Kapell op der Tréierer-Strooss
- Veianen: Statu an der Mëtt vun der Bréck. Der So no dréit de Bommenzinnes sech dräimol ëm, wann et Hallefnuecht schléit.
- Wolz: Statu um Maartkräiz
Am noen Ausland
[änneren] Illustratiounen
-
De Bommenzinnes um Rouscht an der Stad Lëtzebuerg.
-
D'Statu selwer.
-
D'Statu bei der Aasselburer Millen
-
D'Statu op der Bréck op der Dörnauelsmillen
-
De Bommenzinnes op der Bréck zu Irrsen
[änneren] Literatur
- Friedrich, Evy, 1985. Kalennerblieder. Virwuert vum Directeur Général vu Radio-Lëtzebuerg Gust Graas. - Luxembourg : Verlag J. P. Krippler-Muller. 397 p. [Bommenzinnes: S. 85]
[änneren] Um Spaweck
| Commons: Bommenzinnes – Biller, Videoen oder Audiodateien |
