Bosscha-Observatoire
De Bosscha-Observatoire ass den eelsten Observatoire an Indonesien. E gouf 1923 gegrënnt a gehéiert zum Institut Teknologi Bandung. E steet op enger Héicht vun 1.310 m an der Stad Lembang am Weste vun der Insel Java.
Inhaltsverzeechnes |
[änneren] Teleskope
Den Observatoire huet fënnëf gréisser Teleskope:
[änneren] Zeiss-Duebelrefrakter
Mat deem Teleskop ginn Duebelstäre, besonnesch duerch Photometrie, Moundkrater, d’Planéite Mars, Saturn a Jupiter souwéi Koméite ënnersicht resp. observéiert. Den Teleskop huet zwou Objektivlënsen mat 60 cm Duerchmiesser an enger Brennwäit vun 10,7 Meter.
-
Teleskop (Bild viru 1941)
-
Zeiss-Durbelrefrakter vu 1923 aus Jena
-
Zeiss-Duebelrefrakter
[änneren] Schmidt-Teleskop
Mat dem Schmidt-Teleskop (Spëtznumm: Bima Sakti) gi Galaxien, Stärespektren, Asteroide a Supernovae ënnersicht. Den Haaptspigel huet en Duerchmiesser vun 71 cm, d’Schmidt-Plack 50 cm, d’Brennwäit ass 2,5 m.
[änneren] Bamberg-Refrakter
Dëse Refrakter mat 37 cm Duerchmiesser an enger Brennwäit vu 7 m déngt besonnesch den Ënnersich vun der schäinbarer Hellegkeet, Distanzmiessung vu Stäre, Photometrie vu sech verdeckende Stären an der Sonnenobservatioun. Den Teleskop ass mat engem Photometer ausgestatt.
[änneren] Cassegrain GOTO
De Cassegrain-Spigelteleskop ass e Geschenk vun der japanescher Regierung an ass mat enger computergesteierter Ausriichtung (GOTO) ausgestatt. Un den Teleskop kënnen Spektrometer ugeschloss ginn.
[änneren] Unitron-Refrakter
Mat dësem Teleskop, dat e Lënsenduerchmiesser vun 13 cm huet, gi Mounddäischterte, Sonnendäischterte a Sonneflecke observéiert.
[änneren] Direktere
1923 – 1940: Joan Voûte
1940 – 1942: Aernout de Sitter
1942 – 1946: Masashi Miyaji
1946 – 1949: J. Hins
1949 – 1958: Gale Bruno van Albada
1958 – 1959: O. P. Hok dan Santoso Nitisastro (temporary officer)
1959 – 1968: The Pik Sin
1968 – 1999: Bambang Hidayat
1999 – 2004: Moedji Raharto
2004 – 2006: Dhani Herdiwijaya
2006 – 2009: Taufiq Hidayat
zënter 2009: Hakim L. Malasan
[änneren] Um Spaweck
| Commons: Bosscha-Observatoire – Biller, Videoen oder Audiodateien |
