Boulevard Royal
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Boulevard Royal ass eng Strooss an der Stad Lëtzebuerg. Et ass eng Strooss déi ëm den historesche Stadkär féiert a verbënnt am Norden den Eecherbierg, respektiv den Ausgang vum Hellege-Geescht-Tunnel, mat am Süden der Adolphe-Bréck an doriwwer eraus der Neier Avenue a Richtung Gare. E féiert op der ganzer Längt iwwer d'Nationalstrooss 7.
De Boulevard Royal gouf an den 1870er Joren op den ale Festungswierker vun der Festung Lëtzebuerg ugeluecht, déi ofgerappt gi waren. Den Numm, op enger Kaart vun 1890 och Boulevard du Roi genannt, bezitt sech op de Wëllem III., Kinnek vun Holland a Groussherzog vu Lëtzebuerg[1].
Bis an d'1970er an 1980er Jore stoungen do eng Rëtsch Villae mat klenge Parke ronderëm. Mat der Entwécklung vun der Finanzplaz sinn dës no an no ofgerappt ginn an duerch Bürosgebaier oder Hoteller ersat ginn.
Och d'Aldringer-Schoul, nieft der Post, gouf ofgerappt, an an d'Plaz koum de Centre Hamilius an eng Busgare mat enger ënnerierdescher Passage an do drënner e Parking. Dëse gëtt sengersäits 2012-2015 ofgerappt an duerch en neien Immobilieprojet ersat.
Eent vun de wéinegen erhalene Gebaier vun Enn vum 19. Joerhonnert ass de Sëtz vun der Lëtzebuerger Zentralbank, dat virdrun der BIL gehéiert huet, an d'hënnescht Fassad vun der aler Schwämm.
Inhaltsverzeechnes |
[änneren] Skulpturen um Boulevard Royal
- Muse Noire vum Lukas Arons (op Nr 2)
- De Feierstëppler vun der Yvette Gastauer-Claire (op Nr 2)
- Les Girouettes vum Philippe Hiquily (op Nr 10A)
- Le Souffle vum Bertrand Ney (op Nr 2)
- Klangsteen vum Pinuccio Sciola (op Nr 47)
- La Gonflée vum Rafael Springer (op Nr 20)
Weider Skulpturen déi do stungen waren d' Interpénétration vum Lucien Wercollier (op Nr 10A) a La grande Tempérance vun der Niki de Saint Phalle (op Nr 51).
[änneren] Literatur
- Denis Scuto: "Un crime de lèse-beauté: le Boulevard Royal, Luxembourg-Ville." Tageblatt Nr. 86 vum 13. Abrëll 1995, S. 11.
[änneren] Um Spaweck
| Commons: Boulevard Royal – Biller, Videoen oder Audiodateien |
- "Le Boulevard Royal et son passé récent." ons stad Nr. 31/1989, S.2-3. (Fotoen, déi d'Haiser fréier an "haut" (1989) vergläichen)
[änneren] Referenzen
Boulevard Royal | Breedewee | Dräikinneksgaass | Eecherbierg | Groussgaass | Krautmaart | Leschte Steiwer | Rue de la Loge | Paschtoueschgaass | Tilleschgaass | Rue Wiltheim
