Buerg Branebuerg

Vu Wikipedia
Wiesselen op: Navigatioun, sichen
Pahyl Hrad.PNG Dësen Artikel iwwert eng Buerg oder e Schlass ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir Hëllef braucht beim Schreiwen, da luusst bis an d'FAQ eran.
Vue vu Süden, vum neie Point de vue um Köpp -Hiwwel
Zeechnung vum Martinus-Antonius Kuytenbrower (1821-1897)
Branebuerg géint 1857, Teller vun der Faïencerie vu Septfontaines no enger Zeechnung vum Jean-Baptiste Fresez

D'Buerg Branebuerg steet um Buergbierg nërdlech iwwer der Uertschaft Branebuerg am Dall vun der Blees, tëscht der Blees am Süden, der Hämechtbaach am Westen an der Millebaach am Osten. Si steet op hallwem Wee tëscht Veianen a Buerschent.

Geschicht[änneren | Quelltext änneren]

Déi éischt Spure stame vun engem réimesche Kastell aus Holz. Bei den Ausgruewungen an de leschte Jore goufen Iwwerreschter vun Holz a Lächer, déi vermutlech als Verankerung vu Pottoe benotzt goufen, fonnt. Ier déi nei stenge Buerg gebaut gouf ass déi hëlze verbrannt ginn, wat dunn den neien Hären an dem Uert den Numm ginn huet.

D'Buerg staamt aus dem 10. Joerhonnert. Am 13. Joerhonnert koum d'Buerg déi den Häre vu Branebuerg gehéiert huet un d'Haus Neierbuerg.

Mat dem leschte männlechen Nokomme vun de Branebuerger dem Henri Théodore François vu Branebuerg, Bouf vum Florent vu Branebuerg an deem senger Fra der Madeleine vu Montmorency ass 1685 d'Dynastie op en Enn gaangen, well den Henri Théodore dat Joer Kapuzinerpater gouf.[1]

D'Buerg huet duerno folgenden Häre gehéiert: Haraucourt, Salm, Kitzingen, Stassin a Blochausen. Am 17. Joerhonnert war Buerg vun den Truppe vum de Boufflers an e Koup geschoss, an deelweis ofgerappt ginn. D'Buerg ass dunn net méi ënnerhale ginn an ass zur Ruin degradéiert.

De 14. Abrëll 1936 gouf se op der Lëscht vun de klasséierte Monumenter als Nationaalt Monument klasséiert. Zanter 1998 gëtt se restauréiert an ass zanterhier net méi fir de Public zougänglech.

Ausgruewungen[änneren | Quelltext änneren]

Gläichzäiteg zu der Restauratioun ginn och umfangräich Ausgruewungen duerchgefouert. Dobäi goufe vill interessant an onerwaart Saache fonnt, wéi zum Beispill e Pëtz an eng Kanoun.

Kuckeswärtes[änneren | Quelltext änneren]

  • E massiven dräistäckegen Buergfrid;
  • d'Ruin vun enger gotescher Kapell;
  • verschidden Tierm;
  • grouss Kelleren;
  • e réimesche Steen, dee riets vun der Haaptpaart agebaut ass.

Literatur[änneren | Quelltext änneren]

  • Zimmer, John, 2010. Die Burgen des Luxemburger Landes. Band 3: Brandenburg, Dudelange, Koerich, Larochette, Septfontaines, Stolzemburg, Vianden. Editions Saint-Paul, Lëtzebuerg. ISBN 978-2-919883-24-0 (cf. Ss. 12-35)

Biller[änneren | Quelltext änneren]


Kuckt och[änneren | Quelltext änneren]

Um Spaweck[änneren | Quelltext änneren]

Commons: Buerg Branebuerg – Biller, Videoen oder Audiodateien

Referenzen[änneren | Quelltext änneren]

  1. « Sambre-et-Meuse » Organe officiel du Cercle des XV 3ème série n°2 Janvier 1937