Burfelt

Burfelt
Vue op Burfelt aus der Loft (1991).
An anere Sproochen:	fr: Bourgfried de: Burgfrid
Land:	Lëtzebuerg
Distrikt:	Dikrech
Kanton:	Wolz
Gemeng:	Esch-Sauer
Buergermeeschter:	Gilles Kintzelé
Koordinaten:	49° 54' 00" N 05° 51' 26" O
Uertschaften - Gemengen - Stied

Burfelt, och alt Buergfrid, ass en Haff an der Gemeng Esch-Sauer.

Geschicht

Den Numm "Bourgfried" gouf eng éischte Kéier 1252 ernimmt. Den Numm soll entweder schonn op d'Mëttelalter zréckgoen, wou d'Meeschtere vun Esch-Sauer hire "Buergfridden" regelméisseg erneiert hunn, oder op d'Joer 1695, wou d'Schlass- a Buerghären aus der Ëmgéigend e Verdeedegungs- an Hëllefsbond géint friem Truppen, déi doruechter marodéiert hunn, ofgeschloss sollen hunn.

Den Haff ass aus dem 18. Joerhonnert. Wéi de Stauséi gebaut gouf, huet de Bauerebetrib opgehalen, well e groussen Deel vun de Lännereien iwwerschwemmt gouf. 1974 huet de Lëtzebuerger Staat den Haff opkaf an doranner e Verwaltungszentrum vun der Administration des Eaux et Forêts installéiert. 1978 koum eng 6 ha grouss Bamschoul bäi, an 1993 gouf e Bëschentdeckungszentrum ageriicht.

Buergfrid-Affär

1969 war dës ofgeleeë Plaz (deemools "Buurgfried" oder "Bourgfried" geschriwwen) Mëttel- an Ausgangspunkt vun der sougenannter Buergfrid-Affär, déi jorelaang héich Welle geschloen huet, an déi der Ministesch Madeleine Frieden-Kinnen hiert Amt kascht huet.

  Méi Informatioun doriwwer am Artikel: Buergfrid-Affär

Kuckeswäertes

• Bëschentdeckungszentrum Burfelt

Fir nozeliesen

• Burfelt. Das Waldentdeckungszentrum. Hg.: Forstamt Wiltz, 2000.(Dépliant).

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Lëtzebuerger Distrikter
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Burfelt – Biller, Videoen oder Audiodateien

• Syvicol
• Scoutsgrupp "St Pirmin vum Séi"