California Institute of Technology

Vu Wikipedia
California Institute of Technology
California Institute of Technology
Typ Universitéit
Land USA
Schülerzuel 2.238
  2017; 1. September 2021
Gegrënnt 1891
Um Spaweck https://caltech.edu

De California Institute of Technology, besser bekannt als Caltech, ass eng Technesch Héichschoul zu Pasadena am Los Angeles County. Si ass op Natur- an Ingenieurswëssenschafte spezialiséiert.

1891 gouf den Institut mat 31 Studente gegrënnt, haut sinn et der ongeféier 2000.

D'Héichschoul ass Member vun der Association of American Universities, e Verband vu féierende fuerschungsintensiven nordamerikaneschen Universitéiten, deen zanter 1900 besteet.

Den Jet Propulsion Laboratory vun der NASA, deen de Betrib vu Weltraumsonden iwwerwaacht, ass en Deel vun der Universitéit. Den Institut ass un d'Fuerschungsnetzwierk BIRN ugeschloss.

Mat 310 Professeren an 2171 Studenten (2004-2005) ass dës wëssenschaftlech héichproduktiv Universitéit extreem kleng, trotzdeem gehéiert si zu den zéng beschten Universitéite vun der Welt. An der Geschicht vun der Universitéit gouf et 31 Nobelpräisser, dovun 13 an der Physik, 9 an der Physiologie oder Medezin, 6 an der Chimie, 2 an der Ekonomie an ee Friddensnobelpräis.

Presidenten[änneren | Quelltext änneren]

  • Robert A. Millikan (1921–1946)
  • Lee A. DuBridge (1946–1969)
  • Harold Brown (1969–1977)
  • Robert F. Christy (1977–1978)
  • Marvin L. Goldberger (1978–1987)
  • Thomas E. Everhart (1987–1997)
  • David Baltimore (1997–2006)
  • Jean-Lou Chameau (2006–2013)
  • Edward M. Stolper, Interim (2013–2014)
  • Thomas F. Rosenbaum, (2014–)

Nobelpräisdréier vum California Institute of Technology[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: California Institute of Technology – Biller, Videoen oder Audiodateien

Referenzen[Quelltext änneren]