Cargolux

Vu Wikipedia
Wiesselen op: Navigatioun, sichen
CARGOLUX
Cargolux Logo copie.png
Gegrënnt: 1970
IATA-Code: CV
ICAO-Code CLX
Ruffzeechen: Cargolux
Sëtz: Sandweiler[1]
Status: Société Anonyme
Flott: 22 (2014)
Destinatiounen: Interkontinental
Flott vun der Cargolux am September 2012
Immatrikulatioun Fliger Modell
LX-ACV Boeing 747-400BCF B747-4B5 (BCF)
LX-DCV Boeing 747-400BCF B747-4B5 (BCF)
LX-KCV Boeing 747-400F B747-4R7 (FSCD)
LX-OCV Boeing 747-400F B747-4R7 (FSCD)
LX-RCV Boeing 747-400F B747-4R7 (FSCD)
LX-SCV Boeing 747-400F B747-4R7 (FSCD)
LX-TCV Boeing 747-400F B747-4R7 (FSCD)
LX-UCV Boeing 747-400F B747-4R7 (FSCD)
LX-VCV Boeing 747-400F B747-4R7 (FSCD)
LX-WCV Boeing 747-400F B747-4R7 (FSCD)
LX-YCV Boeing 747-400F B747-4R7 (FSCD)
LX-VCB Boeing 747-8F B747-800
LX-VCC Boeing 747-8F B747-800
LX-VCD Boeing 747-8F B747-800
LX-VCE Boeing 747-8F B747-800
LX-VCF Boeing 747-8F B747-800
LX-VCA Boeing 747-8F B747-800
Wetlease
Cargolux B747-400F
D'Cargolux war zu Shanghai op d'Nues gefall, well d'Maintenance Personal iertemlecherweis dat viischt Rad eragezunn hat.

D'Cargolux Airlines International S.A., kuerz Cargolux ass eng lëtzebuergesch Fluchgesellschaft.

Geschicht[änneren | Quelltext änneren]

D'Cargolux ass am Mäerz 1970 ënner anerem zesumme vun der Luxair, der Salen Shipping Group, der Loftleidir Icelandic gegrënnt ginn. D'Gesellschaft huet mat enger CL-44 ugefaangen, déi am Ufank vu Lëtzebuerg aus an déi deemoleg britesch Krounkolonie Hong Kong geflunn ass.

Vun där Zort Fligere waren et der 1973 5 Stéck, datselwecht Joer gouf och eng DC-8 vu McDonnell Douglas kaaft.

  • 1974 hunn d'Cargolux an d'Loftleidir Icelandic hir Maintenance an Ingenieursberäicher zesummegeluecht.
  • 1975 huet d'Cargolux dunn nei Bürosgebaier an 2 nei Hangare kritt.
  • 1979 ass en Tournant an der Geschicht vun der Cargolux: Seattle liwwert déi éischt Boeing 747-200F.
  • 1982 ënnerschreift China Airlines als éischt Fluchgesellschaft eng strategesch Allianz mat der Cargolux.
  • 1984 gëtt déi lescht DC-8 aus dem Verkéier gezunn, andeems zur selwechter Zäit déi drëtt Boeing 747-200F agesat gëtt.
  • 1990 si weider 2 Boeing 747-200F bei d'Flott dobäi komm.
  • 1993 ass déi éischt Boeing 747-400F zu Lëtzebuerg ukomm an d'Cargolux gëtt domat weltwäit déi éischt Cargogesellschaft déi dëse Fligertyp asetzt. 1999 sinn et schonn zéng Maschinne vun deem Typ.
  • De 14. November 2005 huet Cargolux als éischt Fluchgesellschaft zéng nei Boeing 747-8F bestallt. Si hat domat grad sou wéi bei der Commande vun de B747-400F den

13. September 1989 d'Nues vir.

  • Den 19. Mäerz 2007 huet d'Cargolux 3 weider B747-8F Transportere bestallt.
  • Den 13. Oktober 2011 huet d'Cargolux déi éischt B747-8F geliwwert kritt.
  • De 24. Mäerz 2012 huet d'Cargolux déi drëtt B747-8F geliwwert kritt.
  • De 25. Mee 2012 huet d'Cargolux déi véiert B747-8F geliwwert kritt.
Cargolux Boeing 747-8.
  • Den 13. September 2012 huet d'Cargolux déi 5. B747-8F geliwwert kritt.
  • Den 8. Mäerz 2013 huet d'Cargolux déi 7. B747-8F geliwwert kritt.[2]

Aktionnariat[änneren | Quelltext änneren]

Den 9. Juni 2011, hunn de Luc Frieden an de Claude Wiseler, am Numm vum Lëtzebuerger Staat, e Kontrakt ënnerschriwwen, mat deem 35% vun der Cargolux un d'ING iwwerdroe goufen, déi se da fir 117,5 Milliounen Euro u Qatar Airways verkaf huet. De Staat hat deemools 8,02% vun de Partë vu Cargolux, 85% waren an der Hand vun der Luxair, der SNCI an der Spuerkeess.[3]

Am Oktober 2012 gouf bekannt, datt bei deem Deal déi (para-)ëffentlech Undeelseegener (Staat, Luxair, Spuerkeess, SNCI) hir Aktien zu engem wäit méi niddrege Präis ofgetrueden hunn wéi verschidde Privatinvestisseuren (ë. a. BIP Investment Partners a Lux-Avantage). Sou soll dem Lëtzebuerger Land no d'BIP 42,354 Milliounen US-Dollar vum Verkaf vu sengen Aktie kritt hunn (dovun der 20,4 Millioune fir hir 461 600 Virzuchsaktien; iwwerdeems d'Luxair 27,75 Milliounen Dollar kritt huet, obwuel se, wa se d'selwecht behandelt gi wier, 101 Milliounen Dollar méi fir hir Virzuchsaktien hätt kéinte kréien. Genee sou hätt d'Spuerkeess, déi 6,976 Milliounen Dollar krut, bei gläicher Behandlung der 25,5 Milliounen USD méi fir hir Virzuchaktie kéinte kréien, an d'SNCI der 20,5 Milliounen drop op déi 6,8 Milliounen, déi se krut.[3]

Am Januar 2013 huet Qatar Airways seng Bedeelegung nees verkaf. Deselwechte Mount gouf de Paul Helminger zum President vum Verwaltungsrot nominéiert.[4]

An de Méint duerno gouf en neie Koaktionär gesicht. De 15. Januar 2014 huet déi chinesesch HNCA 120 Milliounen US-Dollar 35% vun de Parten iwwerholl. Deen Accord gesäit ë. a. den Developpement vun enger sougenannter "Dual Hub Strategy" vir, mat engem europäesche Logistikzenter um Fluchhafe Lëtzebuerg an engem chineseschen um Fluchhafe vu Zhengzhou. HNCA huet sech dozou engagéiert, der Cargolux hiert Kapital am Fréijoer 2014 mat ze erhéijen.[5]. Den Dirk Reich ersetzt de Richard Forson als Generaldirekter. 2013 hat Cargolux en Ëmsaz vun 1.988,5 Milliarden Dollar an en Nettogewënn vun 8,4 Milliounen Dollar.

Destinatiounen[änneren | Quelltext änneren]

D'Cargolux operéiert op 90 Destinatiounen, dovu 57 regelméisseg :

Afrika[änneren | Quelltext änneren]

Abidjan - Accra - Johannesburg - Kinshasa - Lagos

Amerika[änneren | Quelltext änneren]

Bogota - Calgary - Chicago - Curitiba - Guadalajara - Houston - Latacunga - Los Angeles - Mexiko - New York - Panama - Rio de Janeiro - San Francisco - Santiago - São Paulo - Seattle

Asien[änneren | Quelltext änneren]

Baku - Bangkok - Charjah - Chennai - Hong Kong - Istanbul - Karachi - Komatsu - Kuala Lumpur - Seoul - Shanghai - Singapur - Taipeh

Europa[änneren | Quelltext änneren]

Barcelona - Budapest - Glasgow - Helsinki - Lëtzebuerg - Maastricht - Mailand

Noen Osten[änneren | Quelltext änneren]

Abu Dhabi - Beirut - Damaskus - Dubaï - Kuwait

Australien an Ozeanien[änneren | Quelltext änneren]

Auckland - Melbourne

Basisdaten[änneren | Quelltext änneren]

(Stand: 2014)

  • Frachtopkommen: 753 848 Tonnen
  • Geflunnen Tonnekilometer: 5700 Mio.
Gewënn / Verloscht an US-$
2001 15 Mio.
2002 49 Mio.
2003 70 Mio.
2004 83 Mio.
2005 78 Mio.
2006 83 Mio.
2007 -47 Mio.
2008 -61 Mio.
2009 -153.30 Mio.
2010 59 Mio.
2011 -18,3 Mio.
2012 -35,1 Mio.
2013 8,4 Mio.

Um Spaweck[änneren | Quelltext änneren]

Commons: Cargolux – Biller, Videoen oder Audiodateien

Referenzen[änneren | Quelltext änneren]

  1. ...établie à L-2990 Sandweiler, Aéroport de Luxembourg
  2. Preesematdeelung vu Cargolux iwwer hier 6. B747-8
  3. 3,0 3,1 Véronique Poujol: "Traitement asymétrique." d'Lëtzebuerger Land, 26.10.2012; op land.lu an Déis.: "Le 'Friedengate' fera-t-il long feu ?" d'Lëtzebuerger Land, 2.11.2012; op land.lu.
  4. "Cargolux-Verwaltungsrot: Helminger neie President." RTL.lu - 15.01.2013, 07:05 | Fir d'lescht aktualiséiert: 15.01.2013, 16:16.
  5. "Cargolux-HNCA-Deal: Chinese bezuelen 120 Milliounen Dollar fir 35% vu Parten." rtl.lu, Leschten Update: 15.01.2014, 07:49.