Carlo Wagner
| Carlo Wagner | |
|---|---|
| Gebuer |
3. Juli 1953 Wuermer |
| Gestuerwen | 12. Februar 2021 |
| Nationalitéit | Lëtzebuerg |
| Educatioun | Stater Kolléisch |
| Aktivitéit | Politiker |
| Partei | Demokratesch Partei |
| Famill | |
| Papp | Charles Wagner |
 | |
De Carlo Wagner, gebuer den 3. Juli 1953 zu Wuermer, a gestuerwen den 12. Februar 2021[1], war e lëtzebuergesche Politiker.
De Carlo Wagner huet säi Lycée am Stater Kolléisch gemaach an duerno zu Fribourg an der Schwäiz Ekonomie a Sozialwëssenschaft studéiert.
Hie war e wirtschaftleche Consultant. Tëscht 1991 an 1994 war e Generalsekretär vun der DP. 1994 gouf hien an d'Chamber gewielt an am selwechte Joer och Buergermeeschter vun der Gemeng Wuermer. 1999 gouf hie Member vum Comité directeur a vum Comité exécutif vun der DP.
No de Chamberwale vum 13. Juni 1999 gouf hien an der Regierung Juncker-Polfer Minister fir Gesondheet a Sozialversécherung.
No de Wale vun 2004 war d'DP net méi an der Regierungskoalitioun. De Carlo Wagner ass awer an d'Chamber erëmgewielt ginn, grad sou wéi bei de Wale vum 7. Juni 2009. 2013 huet hien net méi kandidéiert.
De Carlo Wagner war bestuet an huet 3 Kanner. Hien ass de Jong vum Charles Wagner.
Gielercher[änneren | Quelltext änneren]
- Grand Officier vum Ordre de Mérite du Grand-Duché de Luxembourg (Promotioun 2000)[2]