Catherine Ringer

Vu Wikipedia
Wiesselen op: Navigatioun, sichen
D'Catherine Ringer bei den Eurockéennes den 29. Juni 2007

D'Catherine Ringer, gebuer den 18. Oktober 1957 zu Suresnes am franséischen Departement Hauts-de-Seine, ass eng Kënschtlerin, déi als Rocksängerin, Instrumentalistin a Pornomodell bekannt gouf.

Si ass d'Meedche vun engem Moler mat polneschen Originnen an enger Mamm, déi sech mat Architektur beschäftegt huet. Dat jonkt Catherine verléisst mat 13 Joer seng Famill, fir mat hirem Amant zesummenzeliewen. No engem kuerzen Openthalt an enger Universitéit fänkt hatt un, sech fir Theater, Danz a Gesank z'interesséieren.

Tëscht 1976 an 1982 schléit d'Catherine Ringer sech mat Rollen a Pornofilmer a Pornohefter duerch. Eng Koprophagie-Fotoserie 1978 an der Nummer 2 vun der schwedescher Pornozäitschrëft Pirate bréngt et mat sech, datt si am Michel Denisot senger Sendung Zénith op Canal+ vum Serge Gainsbourg "pute" genannt gouf.

1979 léiert si de Frédéric Chichin kennen, mat deem si vun 1980 bis zum Doud vum Chichin, 2007, als Les Rita Mitsouko opgetrueden ass, a grousse Succès hat.

Um Spaweck[änneren | Quelltext änneren]

Commons: Catherine Ringer – Biller, Videoen oder Audiodateien