Centre national de la recherche scientifique

Vu Wikipedia
Wiesselen op: Navigatioun, sichen

D'Centre national de la recherche scientifique (CNRS) (Nationaalt Zentrum fir wëssenschaftlech Fuerschung) ass als national franséisch Fuerschungsorganisatioun dem Fuerschungsministère ënnerstallt a beschäftegt sech mat der Grondlagefuerschung. Et ass vergläichbar mat der däitscher Max-Planck-Gesellschaft, allerdéngs villméi grouss an domat manner enk fokusséiert. Sou bilt den CNRS déi gréisst Fuerschungsorganisatioun an Europa.

Am Joer 2004 beschäftegt de CNRS 11.600 Wëssenschaftler ënner am Ganzen 26.000 Ugestallten, bei engem Budjet vun 2.2 Mrd. Euro. Dës fuerschen un deene zwéi nationale Institute fir Kär- an Deelchephysik a fir Mieresléier an Astronomie oder un engem vun deenen aacht départements scientifiques (wëssenschaftlech Sektioune).

D'Fuerschungsberäicher vun deenen aacht départements scientifiques:

  • Kär- an Deelchephysik
  • Ingenieurwëssenschafte
  • Geowëssenschafte
  • Geeschtes- a Sozialwëssenschafte
  • Liewenswëssenschafte
  • Chimie
  • Physikalesch a Mathematesch Wëssenschafte
  • Kommunikatiouns-, Informatiounswëssenschafte an Technologie

Den CNRS war och un der Entwécklung vun der fräier Softwarelizenz CeCILL bedeelegt.

Den CNRS gouf den 19. Oktober 1939 gegrënnet. Virgängergesellschafte waren dCaisse nationale de la recherche scientifique an dOffice national des recherches scientifiques et des inventions, déi schonn 1938 fusionéiert haten.

Den Haaptsëtz vum CNRS ass Paräis, d'Fuerschungsplaze sinn iwwer ganz Frankräich verdeelt.

D'Fuerschungsorganisatioun huet Auslandsvertriedunge zu Bonn, Bréissel, Johannesburg, Moskau, Peking, Santiago de Chile, Tokio, Tunis, Washington D.C. an Hanoi.

Um Spaweck[änneren | Quelltext änneren]