Chris Evert

Chris Evert
Gebuertsnumm	Christine Marie Evert
Gebuer	21. Dezember 1954 Fort Lauderdale
Nationalitéit	USA
Aktivitéit	Tennisspiller
Gréisst	168 Zentimeter
Gewiicht	56 kg
Spillhand	Rietshänner
Famill
Geschwëster	Jeanne Evert

D'Chris (Christiane Marie) Evert, gebuer den 21. Dezember 1954 zu Fort Lauderdale (Florida), ass eng US-amerikanesch Tennisspillerin mat Lëtzebuerger Originnen.

Si ass déi éischt Tennisspillerin déi méi wéi 1000 Matcher an hirer professioneller Carrière (1972-1989) gewonnen huet a gëtt zu den erfollegräichste Spillerinnen an der Tennisgeschicht gerechent. Haut beschäftegt si sech aktiv mat caritative Wierker, besonnesch am Hibléck op d'Bekämpfung vum Drogemëssbrauch, Wierker fir déi si bis haut (21/11/2007) $15.4 Millioune gesammelt huet.

Der Chris Evert hir Virfuere sinn 1857 vu Biekerech an Amerika emigréiert.

Unerkennungen

• Véiermol vun der Associated Press zur Sportlerin vum Joer gewielt
• Ausgezeechent mat dem "Sportswomen of the Year Award" duerch Sports Illustrated (1976)
• Opgeholl an déi "International Tennis Hall of Fame" (1995)
• Vum Tennis Magazine op déi véiert Plaz vun de Gréissten Tennisspiller klasséiert (2005)

Um Spaweck

Commons: Chris Evert – Biller, Videoen oder Audiodateien