Cinque Terre

Dëse Geographiesartikel iwwer Italien ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann der Hëllef braucht beim Schreiwen, da luusst bis an d'FAQ eran.

Déi sougenannt Cinque Terre si fënnef Küstenuertschaften, déi sech an der Provënz La Spezia (Italien) ëm e Nationalpark gruppéieren, deen deselwechten Numm dréit. Direkt derbäi läit och déi vun Touriste vill besichten Hafenuertschaft Portovenere. Déi 5 Uertschaften, déi zur Cinque Terre gezielt gi, sinn: Riomaggiore, Manarola, Corniglia, Vernazza an Monterosso. Am Joer 1997 si se vun der UNESCO op d'Lëscht vun der Weltierfschaft gesat ginn.
Dës Uertschaften si vu La Spezia mat enger Regionalbunn z'erreechen. Vum Mier aus (vill Croisière-Schëffer fueren no laanscht a kommentéieren d'Landschaft) hunn d'Passagéier eng wonnerbar Vue op déi gebiergeg, ofgeschlosse Géigend.

Déi 5 Uertschaften

Monterosso

Monterosso

Vernazza

Monterosso läit ganz am Westen an ass am schwéiersten iwwert de sougenmannte Bloe Pad zougänglech. D'Olivebeem, d'Wéngerten an d'Plagen ronderëm droen zum gaaschtfrëndlechen Charakter vu Monterosso bäi. Kuckeswäert ass de mëttelalterlechen Tuerm Aurora an déi räich Konschtschätz an der Kierch San Francesco.

Vernazza

Vernazza, e Fëscherhafe mat Traditioun, gouf schonn ëm d'Joer 1000 gegrënnt. Vill, ënnert anerem d'Architektur, d'Portalen an d'Planzepied, weist drop hin, datt et vun de 5 Uertschaften déi war, déi de gréisste Wuelstand erreecht hat.

Corniglia

Corniglia

Corniglia läit op engem Fielshang beim Mier a kuckt op en Dall mat Wéngerten erof. D'Landwirtschaft huet dëser Uertschaft hire Cachet opgedréckt. D'Bauweis ass déi vun engem mëttelalterlechen Duerf. Der Parkierch San Piedro hiren Ursprong geet op 1334 zréck an et ass derwäert datt een se besiche geet.

Manarola

Manarola

Manarola läit héich um Fiels um Rand vun enger Bucht, déi e protégéierten Hafen huet. Déi gothesch Parkierch aus dem Joer 1338 ass kuckeswäert.

Riomaggiore

Riomaggiore

Riomaggiore ass déi Uertschaft déi am wäitsten am Oste läit a wéi mat engem Baukasten gebaut ass. Obschonn Riomaggiore säin ursprüngleche Charakter net verluer huet ass et haut e vill besichten Touristenzenter.

Uertschaften ronderëm

• Bonassola
• Levanto

Um Spaweck

• Offiziell Touristesäit iwwer d'Cinque Terre (däitsch)
• Unesco Weltierfschaftslëscht (franséisch)
• Kuckt d'Foto an d'Kaart vu Riomaggiore
• Kuckt d'Foto an d'Kaart vun Corniglia

Commons: Cinque Terre – Biller, Videoen oder Audiodateien