Claude Wiseler

Vu Wikipedia
Wiesselen op: Navigatioun, sichen
De Claude Wiseler (Juni 2013).

De Claude Wiseler, gebuer den 30. Januar 1960 an der Stad Lëtzebuerg, ass e lëtzebuergesche Politiker.

No sengem Lycée am Kolléisch huet de Claude Wiseler op der Sorbonne Literatur studéiert an huet dës Studien 1989 mat engem Doktorat ofgeschloss.

Tëscht 1983 a 1987 war de Claude Wiseler d'éischt Stagiaire am Kolléisch an duerno Sproocheprofesser am Lycée technique du Centre. Hien ass dunn an den Erzéiungsministère gewiesselt, wou hie Professeur-attaché beim Fernand Boden gouf. Vun 1989 bis 1999 huet hien am Familljeministère an am Ministère fir Mëttelstand an Tourismus als Conseiller vun der Regierung geschafft.

De Claude Wiseler war och, tëscht 1995 an 2000, Generalsekretär vu senger Partei, der CSV. Hie gouf 1999 op där hirer Lëscht an d'Chamber gewielt an zanterhier all Kéier erëmgewielt.

Vun 2000 bis 2004 war de Claude Wiseler Schäffe vun der Stad Lëtzebuerg.

Tëscht 2004 an 2009 war de Claude Wiseler Minister vun der Fonction publique a Verwaltungsreform a Bauteminister an der Regierung Juncker-Asselborn I. An der Regierung Juncker-Asselborn II war hie vun 2009 bis 2013 Minister fir Nohalteg Entwécklung mat de Ressorte Bauten, Transport, Ëmwelt, a Landesplanung.

Hien ass ausserdeem, zanter November 2009, Vizepresident vun der CSV (zesumme mat der Octavie Modert).

De Claude Wiseler ass bestuet a Papp vun 3 Kanner.

Gielercher[änneren | Quelltext änneren]

Um Spaweck[änneren | Quelltext änneren]

Commons: Claude Wiseler – Biller, Videoen oder Audiodateien
Virgänger Generalsekretär vun der CSV Nofolger
Camille Dimmer 1995 - 2000 Jean-Louis Schiltz

Referenzen[änneren | Quelltext änneren]