Comité de sûreté générale

Vu Wikipedia
Wiesselen op: Navigatioun, sichen

De Comité de sûreté générale, fréiere Comité de surveillance vun der Législative deen de 25. November 1791 gegrënnt gi war, huet den Numm Comité de sûreté générale nom 10. August 1792 ugeholl. De Comité huet provisoresch seng Funktiounen ënner der Convention weiderverfollegt, an duerno, no enger Reorganisatioun, definitif duerch en Dekret vum 2. Oktober 1792.

Versammelt hu sech d'Memberen am Hôtel de Brionne, deen et haut net méi gëtt, an deen duerch e Gank mam Pavillon de Marsan verbonne war. De Comité huet sech aus 12 Memberen zesummegesat, déi all Mount vun der Convention nationale gewielt goufen, an och e puer mol konnte gewielt ginn. De Comité huet d'Police an d'revolutionär Justiz dirigéiert.

De gréissten Deel vun de Membere ware Montagnards, déi d'Mesure vun der Police géint déi Verdächteg duerchgesat hunn. No der Eliminatioun vun de Girondins den 2. Juni 1793 gouf de Comité zu engem richtege "Ministère" vun der Terreur. De Comité huet d'Verdächteg gesicht, a si virun d'Revolutiounsgeriicht gestallt. D'Membere hunn och Uerdere fir Leit festzehuelen ausgestallt, déi vun der Paräisser Police ënner der Commune duerchgesat goufen.

Am Fréijoer vum Joer II koum et zu engem Konflikt mat de Membere vum Comité de salut public. Am Messidor huet de Vadier den Dossier vun der Catherine Théot virgedroen, mam Mystizismus vum Maximilien de Robespierre. No der Grande terreur huet den zweeten Dossier fir de Robespierre lächerlech ze maache säin Zil den 9. Thermidor 1794 erreecht.

De Comité de sûreté générale gouf am Oktober 1795 ënner dem Directoire opgeléist.

Memberen[änneren | Quelltext änneren]

D'Nimm an d'Unzuel vun de Membere vum Comité hunn dacks gewiesselt. Bei der Organisatioun den 2. Oktober 1792 goufen 30 Membere gezielt, de Minimum waren der nëmmen 9 am September 1793. Vu Germinal bis Thermidor Joer II gouf et 12 Memberen, dës waren :

Portrait vum Jacques-Louis David.

Aner Memberen :

Rév-fran0.jpg Portal Franséisch Revolutioun – All d'Artikelen op der Wikipedia iwwer d'Revolutioun vu 1789.