Commonwealth-Graf

Vu Wikipedia
Wiesselen op: Navigatioun, sichen
Plack um Kierfecht vu La Cassine

Als Commonwealth-Graf ginn déi Kierfechter bezeechent op deenen Zaldoten aus de Länner vum Commonwealth begruewe leien.

Am Géigesaz zu den Amerikaner déi hir doudeg Zaldoten entweder rapatriéiert, oder op amerikaneschen Zaldotekierfechter an Europa begruewen hunn, hunn d'Länner vum Commonwealth déi am Éischten an am Zweete Weltkrich bedeelegt waren, dacks decidéiert hir Zaldoten op de jeeweilege Gemengekierfechter ze loossen. Et handelt sech dobäi haaptsächlech ëm Fliegerbesatzungen déi iwwer Frankräich, der Belsch, oder Lëtzebuerg, erofgeschoss goufen, an entweder vun den Däitschen, meeschtens awer vun der lokaler Bevëlkerung um Kierfecht vun der Uertschaft bäigesat goufen.

D'Kierfechter op deenen sou Zaldote begruewe leien hu meeschtens op der Kierfechtsmauer zur Stroossesäit ee Schëld mat der Opschrëft Tombe de Guerre Commonwealth / Commonwealth War Grave.

Et gëtt awer och nach eng Parti Kierfechter vum Commonwealth op deenen nëmmen Zaldote begruewe sinn, wéi z. B. den Zaldotekierfecht vun Hotton.

Commonwealthgriewer zu Lëtzebuerg[änneren | Quelltext änneren]

  • Um Kierfecht zu Kierchen, 3 britesch Pilote vum 218. Geschwader mat hirem Fairey Battle erofgeschoss den 11. Mee 1942.
  • Um Kierfecht zu Dikrech, 1 britesche Pilot, erofgefall den 10. Mee 1940 bei Wallendorf a gestuerwen zu Dikrech.
  • Um Kierfecht vun Hëpperdang, 2 britesch Piloten déi de 27. Mee 1944 mat hirem Mosquito erofgefall sinn.
  • Um Kierfecht zu Hollerech, 6 britesch Zaldoten.
  • Um Kierfecht zu Mäertert, 2 britesch Piloten déi mat hirem Mosquito den 2. September 1944 erofgefall sinn.
  • Am Bësch tëscht der Maulesmillen a Boxer, d'Griewer vun 2 britesche Piloten, engem neiséilänneschen a vun 3 Membere vum belsche Geheimdéngscht, erofgefall mat hirem Halifax-Bomber den 21. Mäerz 1945.
  • Um Kierfecht vu Rammerech, 3 britesch Piloten, ëmkomm beim Halifax-Bomber-Crash bei Rammerech.
  • Um Kierfecht vu Rolleng/Péiteng, 3 britesch Piloten.

Commonwealthgriewer an der Belsch[änneren | Quelltext änneren]

Commonwealthgriewer a Frankräich[änneren | Quelltext änneren]

Um Spaweck[änneren | Quelltext änneren]

Commons: Commonwealth-Griewer – Biller, Videoen oder Audiodateien
Commons: Commonwealth-Kierfechter – Biller, Videoen oder Audiodateien