Corinne Cahen

Vu Wikipedia
Wiesselen op: Navigatioun, sichen
Foto gewënscht
Camera-photo.svg
Wann Dir eng selwer gemaache Foto vun dëser Persoun hutt, déi Dir wëllt zur Verfügung stellen, da
klickt hei fir s'eropzelueden

D'Corinne Cahen, gebuer de 16. Mee 1973 an der Stad Lëtzebuerg,[1] ass eng lëtzebuergesch Geschäftsfra a Politikerin. Zënter dem 4. Dezember 2013 ass si Ministesch fir Famill a fir d'Groussregioun an der Regierung Bettel-Schneider.

No der Primärschoul zu Bouneweg an de Sekundarstudien am Kolléisch huet si vun 1992 bis 1995 Humanwëssenschaften op der Universitéit zu Stroossbuerg studéiert wou se en Diplom a Friemsprooche krut. 1995-96 huet si hir Studien zu Nice weidergefouert. 1997 huet se e Journalismus-Studium op der Sorbonne zu Paräis gemaach.

Vun 1995 bis 2001 huet si fir RTL Radio Lëtzebuerg geschafft, fir d'éischt als Korrespondentin a Frankräich, dann zu Lëtzebuerg. Vun 2001 bis 2004 huet se nëmmen nach als Freelance fir RTL geschafft well se vun 2001 un d'Schonggeschäft vun hirer Famill an der Stad gefouert huet.[2]

D'Corinne Cahen war vun 2008 bis 2012 Presidentin vum Stater Geschäftsverband. Ausserdeem war si Member vum Verwaltungsrot vun der Chambre de Commerce.[1]

Bei de Chamberwale vum 20. Oktober 2013 huet si op der Lëscht vun der DP am Walbezierk Zentrum kandidéiert a gouf an d'Chamber gewielt. Si huet awer op hiert Deputéiertemandat verzicht, fir an der Regierung Bettel-Schneider Ministesch fir Famill an Integratioun a Ministesch fir d'Groussregioun ze ginn.

Literatur[änneren | Quelltext änneren]

  • Revue Nr. 4 vum 22. Januar 2014, S. 14-19: Coup de pouce - Porträt der Familienministerin Corinne Cahen

Um Spaweck[änneren | Quelltext änneren]

Referenzen[änneren | Quelltext änneren]

  1. 1,0 1,1 Fiche "Corinne Cahen" um Site vun der Chamber; chd.lu (gekuckt: 2013-11-18).
  2. "«Il ne suffit pas de râler»." Portrait op dem Site vun der Chamber, chd.lu (gekuckt 2013-11-17-8).