Cubewano
E Cubewano ass e Kuiperceinture-Objet (Kuiper Belt Object, KBO), deen d'Sonn op enger Distanz tëscht 41 a 50 Astronomeschen Eenheeten ëmkreest a keng Bunnresonanz mat de baussenzege Planéiten huet. Dës och als klassesch Kuiperceinture-Objeten (Classical Kuiper Belt Objects, CKBOen) bezeechent Himmelskierper beweege sech op bal kreesfërmege Bunnen, also mat manner Exzentrizitéit, a mat Bunneschréie vu bis zu 30°.
Ongeféier zwéin Drëttel vun de bekannte KBOen, beweege sech op sou enger kreesänlecher Bunn ëm d'Sonn. Déi aner gehéieren zu de Gruppe vu resonante KBOen, wéi d'Plutinoen, oder zu de Scattered Disc Objects (SDOen).
Benennung[änneren | Quelltext änneren]
D'Bezeechnung Cubewano ass ofgeleet vun der englescher Aussprooch vum éischten entdeckte KBO 1992 QB1 als „Q-B-one“.
Bekannt Cubewanoen[änneren | Quelltext änneren]
- (15760) 1992 QB1: éischten Objet, deen déi Säit vun der Plutobunn entdeckt gouf
- (136472) Makemake: no (134340) Pluto den zweethellste KBO
- (136108) Haumea: huet eng längelzeg Form an zwéi Mounden
- (486958) Arrokoth, en zweedeelegen Objet
- (50000) Quaoar
- (20000) Varuna
- 2002 TX300
- 2002 AW197
- 2002 UX25
