Däitsch-Oth

Vu Wikipedia
Wiesselen op: Navigatioun, sichen
Audun-le-Tiche
lb: Däitsch-Oth
center}}}
Land Flag of France.svg Frankräich
Regioun Blason Lorraine.svg Loutrengen
Departement Blason département fr Moselle.svg Moselle
Arrondissement Thionville-Ouest
Kanton Fontoy
Code Insee 57038
Postcode 57390
Koordinaten Gnome-globe.svg49° 28’ 27’’ N
     05° 57’ 30’’ O
Fläch Uertschaft  1.543 ha
Bevëlkerung Uertschaft  5.949 (2006)

Audun-le-Tiche (Däitsch-Oth op Lëtzebuergesch) ass eng franséisch Stad a Gemeng a Loutrengen, am Departement Moselle, am Arrondissement Thionville-Ouest. De Postcode ass 57390. Oth huet 15,47 km², 2006 hunn do 5.949 Awunner (Audunois) gelieft.

Geographie[änneren | Quelltext änneren]

Däitsch-Oth läit op der Grenz mat Lëtzebuerg, Nopeschgemeng ass Esch-Uelzecht. Et erstreckt sech tëscht dem Pays Haut am Südwesten an dem Uelzechtdall am Nordosten.

Geschicht[änneren | Quelltext änneren]

An der Réimerzäit war d'Géigend staark bewunnt. Iwwerrechter vun engem imposanten Aquedukt zeien heivun. Vun der Merowengerzäit ass eng Nekropol erhale bliwwen. Am Mëttelalter stoung zu Oth e Schlass, an deem d'Häre vu Malberg gelieft hunn. D'Nofolger vun dëse waren déi éischt Schmelzhären. Fréi schonn, a virindustrieller Zäit, gouf Bounäerz verschafft. An der Mëtt vum 18. Joerhonnert goufen déi éischt Grouwen exploitéiert. An den Héichzäite vun der Stolindustrie huet d'ARBED zu Oth 4 Héichiewe bedriwwen. Mä schonn 1964 gouf de leschten Héichuewen ausgemaach. Eng Rëtsch vun de Schmelzaarbechter hunn op de Lëtzebuerger Schmelzen eng Schaff fonnt, bis d'Stolkris an der 1970er Joren och hei eng Schmelz no där aner zougoe gelooss huet.

Mä och haut spillt Lëtzebuerg eng wichteg Roll: Iwwer 70 % vun der aktiver Populatioun schaffen als Frontalier zu Lëtzebuerg.

Den Numm[änneren | Quelltext änneren]

Audun oder Oth gëtt entweder op Aquaeductus oder e keltescht Wuert fir "Bësch" zréckgefouert.

Den Zousaz Däitsch (oder Tiche) huet Oth, fir et vun Audun-le-Roman z'ënnerscheeden, dat eng 15 km weider südlech läit. Déi zwéi Nimm bréngen zum Ausdrock, datt d'Sproochgrenz fréier méi südlech wéi haut, tëscht deenen zwou Uertschafte, verlaf ass. D'Other selwer sinn doriwwer net sou frou, well en un déi däitsch Besatzung 1871 - 1919 an 1940 - 1944 erënnert, wou "Deutsch-Oth" den "offiziellen" Numm war. Déi Escher soe gewéinlech just "Oth".

En ale Lëtzebuerger Numm, dee kaum méi am Gebrauch ass, ass Adicht.

Kuckeswäertes[änneren | Quelltext änneren]

  • Iwwerreschter vun der Merowenger-Nekropol
  • Espace archéologique an der Uelzechtstrooss

Nopeschuertschaften[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Däitsch-Oth – Biller, Videoen oder Audiodateien