Danielle Roster
| Danielle Roster | |
|---|---|
| Gebuer |
1964 Wolz |
| Aktivitéit | Musikolog, Konschthistoriker |
 | |
D'Danielle Roster, gebuer 1964 zu Wolz, ass eng lëtzebuergesch Musekologin a Konschthistorikerin.
Si huet hire Studium zu Salzburg gemaach.
Der Danielle Roster hiert Haaptinteressi dréit ëm Fraen an der Musek. Zanter 1995 ass si mam Fraemuseksënnerstëtzungsprojet EUTERPE vum Fraendokumentatiounszenter Cid-femmes an der Stad Lëtzebuerg chargéiert.
Hiert Geschriwwenes[änneren | Quelltext änneren]
- Clara Schumann-Wieck, Éditions Phi, Iechternach, 1993
- Allein mit meiner Musik. Komponistinnen in der Musikgeschichte, Éditions Phi, Iechternach, 1995.
- Die großen Komponistinnen, Insel Verlag, Frankfurt am Main, 1998
- Les Femmes et la création musicale, iwwersat aus dem Däitsche vun der Denise Modigliani, Éditions l'Harmattan, Paräis, 1998
Do kommen nach en ettlech Artikelen a Fachzäitschrëften derbäi, souwéi Texter an CD-Bäilage vun de Musekslabelen Bayer Records, der schweedescher BIS, Timpani a Violet.
De Beméiunge vun der Danielle Roster ass et ze verdanken, datt déi lëtzebuergesch Komponistin Lou Koster (1889-1973) net an de Vergiess koum.
Gielchen[änneren | Quelltext änneren]
- Chevalier vum Ordre de Mérite du Grand-Duché de Luxembourg (Promotioun 2015)[1]
Referenzen[Quelltext änneren]
- ↑ Lëscht vun de Leit déi 2015 am Staatsministère mat engem nationalen Uerden dekoréiert goufen publizéiert op www.tageblatt.lu