Deborah Kerr
D'Deborah Jane Kerr-Trimmer, gebuer den 30. September 1921 zu Helensburgh, Schottland, a gestuerwen de 16. Oktober 2007 an der Grofschaft Suffolk, war eng schottesch Schauspillerin.
[änneren] Biographie
D'Deborah Kerr huet als jonkt Meedche Ballet geléiert. Geschwë kritt se Kontakt mam Theater, wou se Ufanks Niewerollen a Shakespearestécker gespillt huet. 1940 hat se hir éischt Roll an engem Film, neemlech eng Nieweroll a Contraband vum Michael Powell an Emeric Pressburger. Hir éischt Haaptroll hat se a Major Barbara vun 1941. An de Joren dono gouf se déi beléifste britesch Schauspillerin. Hollywood huet dat matkritt, an esou krut se e Contract bei der MGM. Hiren éischte Film an Amerika war The Hucksters (1947) wou se nieft dem Clark Gable d'Haaptroll hat. Rollen a Filmer wéi Quo Vadis oder From Here to Eternity (mam Burt Lancaster) hu se bekannt gemaach. Dacks huet se eng moudesch gekleete jonk Damm gespillt. Dee populärste Film vun hirer Carrière war The King and I.
1969 huet si hirer Filmcarrière en Enn gesat, ass awer nach an Televisiounsproduktiounen an Theaterstécker opgetrueden.
[änneren] Filmographie (Selectioun)
- Contraband (1940) vum Michael Powell, an deem se am Ofspann net ernimmt gouf
- Major Barbara (1941) vum Gabriel Pascal :Jenny Hill
- The Life and Death of Colonel Blimp (1943) vum Michael Powell an Emeric Pressburger:Edith Hunter, Barbara Wynne, Johnny Cannon
- Perfect Strangers (1945) vum Alexander Korda: Catherine Wilson
- I See a Dark Stranger (1946) vum Frank Launder: Bridie Quilty
- Black Narcissus (1947) vum Michael Powell an Emeric Pressburger: Sister Clodagh
- The Hucksters (1947) vum Jack Conway :Kay Dorrance
- Edward, My Son (1949) vum George Cukor : Evelyn Boult
- King Solomon's Mines (1950) vum Compton Bennett an Andrew Marton: Elizabeth Curtis
- Quo Vadis (1951) vum Mervyn LeRoy : Lygia
- The Prisoner of Zenda (1952) vum Richard Thorpe: Princess Flavia
- Julius Caesar (1953) vum Joseph L. Mankiewicz : Portia
- From Here to Eternity (1953) vum Fred Zinnemann : Karen Holmes
- The End of the Affair (1955) vum Edward Dmytryk : Sarah Miles
- Tea and Sympathy (1956) vum Vincente Minnelli : Laura Reynolds
- The King and I (1956) vum Walter Lang : Anna Leonowens
- Heaven Knows, Mr. Allison (1957) vum John Huston : Sister Angela
- An Affair to Remember (1957) vum Leo McCarey : Terry McKay
- Bonjour tristesse (1956) vum Otto Preminger : Anne Larson
- Separate Tables (1958) vum Delbert Mann : Sibyl Railton-Bell
- The Sundowners (1960) vum Fred Zinnemann : Ida Carmody
- The Grass is Greener (1960) vum Stanley Donen : Lady Hilary Rhyall
- The Innocents (1961) vum Jack Clayton : Miss Giddens
- The Chalk Garden (1964) vum Ronald Neame : Miss Madrigal
- The Night of the Iguana (1964) vum John Huston : Hannah Jelkes
- Casino Royale (1967) vum Val Guest, John Huston, Ken Hughes a Robert Parrish : Agent Mimi / Lady Fiona McTarry
- The Gypsy Moths (1969)vum John Frankenheimer : Elizabeth Brandon
- The Arrangement (1964) vum Elia Kazan : Florence Anderson
- The Assam Garden (1985) vum Mary McMurray : Helen
| Commons: Deborah Kerr – Biller, Videoen oder Audiodateien |
