Douglas Sirk

Vu Wikipedia
Wiesselen op: Navigatioun, sichen

Den Douglas Sirk gebuer als Hans Detlef Sierk de 26. Abrëll 1897 zu Hamburg a gestuerwen de 14. Januar 1987 zu Lugano, Schwäiz war en internationalen Dréibuchauteur a Filmregisseur.

Den Detlef Sierk ass zu Hamburg opgewuess als Jong vun däneschen Elteren. Hien huet Droit studéiert. Nom Studium war hie Redakter bei der Neuen Hamburger Zeitung. Duerno ass hie bei den Theater gangen a war vu 1929 bis 1935 Intendant am Deutschen Schauspielhaus zu Hamburg. 1934 krut hien e Vertrag als Filmregisseur bei der UFA. 1937 huet hien Nazidäitschland verloss an ass a Frankräich an den Exil gangen. Duerno huet hien Europa fir d'USA verlooss.

Mat Hitler's Madman huet hie säin éischten US-amerikanesche Film am Joer 1943 gedréint. Zu senge bekanntsten Hollywoodfilmer zielen Magnificent Obession (1954) an All That Heaven Allows (1954) all Kéier mam Jane Wyman a Rock Hudson an den Haaptrollen . Nieft der Lauren Bacall asst de Rock Hudson och erëm am Drama Written on the Wind ze gesinn.

Besonnesch déi jonk franséisch Kritiker Jean-Luc Godard a François Truffaut ware vum Film A Time to Love and a Time to Die nom Roman vum Erich Maria Remarque begeeschtert. Mat Imitation of Life huet hie 1959 säi leschte Spillfilm an den USA gedréint.

Duerno huet hie sech op Lugano an d'Schwäiz zréckgezun. Vun 1974 bis 1978 war hien Dozent op der Hochschule für Fernsehen und Film München.

Filmographie[änneren | Quelltext änneren]

Um Spaweck[änneren | Quelltext änneren]