Edward Sapir

Vu Wikipedia
Wiesselen op: Navigatioun, sichen
Edward Sapir

Den Edward Sapir, gebuer de 26. Januar 1884 zu Lauenberg a Pommern, dat ass haut Lebork a Polen, a gestuerwen de 4. Februar 1939 zu New Haven, Connecticut, war een US-amerikaneschen Anthropolog a Linguist.

Säi Liewen[änneren | Quelltext änneren]

Seng Mammesprooch war Jiddesch, eréischt spéider huet hien Däitsch geléiert. Als Zweetsprooch huet e mat 7 oder 8 Joer Hebräesch geléiert, wéi e mat sengem Papp dat Aalt Testament iwwersat huet. Nom Alter vu 5 Joer hat hien praktesch nëmme nach Englesch ëm sech.

Fir d'éischt huet en däitsch Philologie op der Columbia University studéiert, dunn huet e gewiesselt an ass bei de Franz Boas Anthropologie léiere gaange mat Spezialiséierung op Linguistik. Vun 1910 bis 1925 huet en den anthropologeschen Deel vun der Canadian Geological Survey geleet. Als Professer fir Anthropologie fanne mir hien an der Universitéit vu Chicago bis 1931 an duerno an der Universitéit vu Yale. 1939 ass de Sapir no e puer Häerzinfarkten am Alter vu 55 Joer gestuerwen.

Wierker[änneren | Quelltext änneren]

Eng komplett Bibliographie ass an der Rena Darnell hirer Sapir-Biographie S. 457-473

Anthologie[änneren | Quelltext änneren]

David. G. Mandelbaum (Erausg.): Edward Sapir. Selected Writings in Language, Culture, and Personality University of California Press, 1949, ISBN 0-520-05594-2

Biographie[änneren | Quelltext änneren]

Regna Darnell: Edward Sapir: Linguist, Anthropologist, Humanist, University of California Press, 1990.