Eech zu Klengbetten
D'Eech zu Klengbetten gehéiert wéinst hirer Gréisst an hirem Ëmfank zu de bemierkenswäerte Beem zu Lëtzebuerg. Si steet um Viktorsbierg (rue de la Montagne) an engem géie Rampli nieft der Strooss, op gläicher Héicht mam Bauerenhaff, zu deem se gehéiert. Een Deel vun de Wuerzele läit fräi.
Et handelt sech ëm eng Stilleech (Quercus robur). Hiren Alter ass net bekannt, dierft awer 200 Joer iwwerschreiden.
D’Eech gouf duerch en Arrêté ministériel vum 19. Juli 2001 op den Inventaire supplémentaire des monuments nationaux opgeholl.[1]
Ëm 2010 huet d'Gemeng Stengefort en Informatiounspanneau beim Bam opstelle gelooss.
Ufanks 2011 ass um Stamm e grousse Champignon ze gesinn, wat drop hiweist, datt dem Bam seng Ofwirkräfte geschwächt sinn.
Geographesch Koordinaten: 
49° 38’ 48.17’’ N 05° 54’ 51.91’’ O
Quellen [änneren]
- Sinner J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 20-21, Text a Foto).
- Lëscht vun de klasséierte Monumenter op der Websäit vum Service des sites et monuments Lëtzebuerg
Kuckt och [änneren]
- Bemierkenswäert Lann zu Klengbetten
- Bemierkenswäert Beem zu Lëtzebuerg
- Lëscht vun den nationale Monumenter an der Gemeng Stengefort
Um Spaweck [änneren]
| Commons: Eech zu Klengbetten – Biller, Videoen oder Audiodateien |
Biller [änneren]
-
D'Eech am Dezember 2007
-
2007: De Stamm huet nach kee Champignon ugesat.
Referenzen an Notten [änneren]
- ↑ An den Arbres remarquables 2002 gëtt de 4. Dezember 1969 fir den Arrêté ministériel genannt. Et ass dat eng Verwiesslung mam Datum vun där anerer klasséierter Eech (am Pariswee) zu Klengbetten , déi virun 2002 ewech geholl gouf.
